کرونا ویروسی‌گه چلینگن‌لرنینگ سانی کوپه‌ییب و رمضان هییتی ییتیب کیلگن بیر چاغده، بدخشان دین عالم‌لری اوشبو ولایت یشاوچی‌لریدن ساغلیک مواردلرنی رعایت قیلیب و داکترلرنینگ توصیه‌لریگه دقت قیلیش‌لرینی سوره‌گن‌لر.
بدخشان دین عالم‌لریدن بیرقطاری اوشبو ولایت مرکزی فیض‌آباد شهریده توپله‌نیب هییت کونلریده کرونا ویروسی انتقال تاپیشی‌دن خواطر بیلدیرگنلر. اولر اوشبو ولایت یشاوچی‌لریدن هییت نی اویده بیره‌م قیلیش‌لرینی سوره‌گن‌لر.
بدخشان ولایتی بوییچه حج و اوقاف ریاستی باشلیغی نورالحق نوری، اوشبو ولایت یشاوچی‌لریدن هییت اویده قالیب و عایله اعضالری بیلن بیره‌م قیلیش‌لرینی ایسته‌گن.
بدخشان ولایتی بوییچه عالم‌لر کینگشی باشلیغی سعدالله ابوامان نینگ ایتیشیچه، عالم‌لرنینگ بو ویروس خصوصیده اهالی‌گه معلومات بیریب و اولرنی اویده قالیش‌ده تشویق قیلیش‌لری کیره‌ک.
اوشبو ییغین اعضالری اهالی‌دن هییت کونلریده هییت قوتلوغ بولسین و یا-ده فاتحه اوقیش بهانه‌سی بیلن اقارب‌لری نینگ اویلریده بارمه‌یش‌لرینی ایسته‌گن‌لر.
بدخشان ولایتی بویچه ساغلیق‌نی سقلش ریاستی باشلیغی داکتر نور خاوری نینگ ایتیشیچه، هییت نمازی اوقیلگن صورتده، اهالی نینگ اجتماعی فاصله‌نی رعایت قیلیب و نماز نینگ آچیق فضاده اوقیلیشی کیره‌ک.
کرونا ویروسی چیقگنی دن حاضرگه‌قدر بدخشان ولایتیده 16 ایجابی واقعه قید ایتیلگن.
