.jpg)
بدخشان بیلیم یورتی‌ده‌گی قومی و منطقه‌یی توقنشووده تورت کیشی یره‌لندی. بیلیم یورت باشلیغی خسرو نظری‌نینگ سلام‌وطندارگه ایتیشیچه، آتیشمه اوچ کوندن بیری دوامی بار.
بدخشان پولیس قوماندانی سخی اندرابی، بیر قطار محصل‌لر توقنشووده قولی بارلیک‌ده عیب‌له‌نیب حبس‌گه آلینگن‌لر دیگن.
جناب اندرابی، خصومتلی گروه‌لر بیلیم یورت باشلیغی و اورین باسرینی طرفدارلریدن ایکن لیگی‌نی اظهار قیلگن. شونینگ‌دیک او، مذکور توقشنوو آرتیده کابل‌ده بعضی شخص‌لرنی قولی بار دیدی.
اما، بیلیم یورت باشلیغی خسرو نظری و اورین باسری عبدالمجید عبیدی‌لرگه کوره، اره‌لریده هیچ قنده‌ی قرمه قرشی‌لیک یوق. جناب نظری، کابل‌ده‌گی بعضی تیوره‌ک‌لر محصللرنی سوء استعمال قیلیب اوز شخصی منفعت‌لری اوچون فایده لنه‌دیلر دیدی.
.jpg)
شونینگ‌دیک بدخشان بیلیم یورتی امنیتی بوزیلیشی اوچون بعضی وکیل‌لرنینگ قولی بارلیگی‌نی ادعا قیلگن جنا عبیدی، محصل‌لر کنترول‌دن چیققن و استادلر هم مسوولیت احساس قیلمی‌دیلر دیگن.
توقنشووگه عکس‌العمل بیلدیرگن بدخشان ولایتی‌نینگ ولسی جرگه‌ده‌گی وکیلی جناب پیمان فیس بوک صحیفه‌سیده «بدخشان بیلیم یورتی‌نینگ باشلیغی کفایت‌سیز او تیزلیکده ایش آلینیشی باره‌سیده تاکیدله‌گن»
شونینگ‌دیک بدخشان وکیلی جناب پیمان سوزلریگه عکس‌العمل بیلدیرگن بیلیم یورت باشلیغی، مذکور وکیل‌نینگ قیزی بیلیم یورت اداری لوازمگه تعین بولیشی اوچون تاپشیرگن سیناو ده ناکام قالگن لیک یوزه‌س‌یدن بونده‌ی عیب لاولرنی باغلیدی دیگن.
بو ادعالرنی رد قیلگن امان الله پیمان، بوتون خانه‌دان اعضاسی کابل‌ده تحصیل بیلن مصروف ایکن لیک‌لرینی تیل‌گه آلگن.
اوتگن ییل هم بدخشان بیلیم یورتی بو قبیل توقنشوولرنینگ گواهی بولگن ایدی. لیکن، بو بیرینچی مرته بدخشان بیلیم یورتی نینگ محصل‌لری جرم و درواز تومنی نینگ محصل‌لری بیر- بیراو لری بیلن توقنشگن‌لر.
