بدخشان ولایتی‌نینگ بهارک تومنی مکتب‌لریده اوقووچیلردن بیرقطاری، قورال و حربی کییم بیلن مکتب باره‌دیلر.
سلام‌وطندارگه صحبت بیرگن بهارک ولسوالی محمدعظیم موسوی‌نینگ ایتیشیچه، وردوج، یمگان تومن‌لری و جرم‌نینگ ایریم بولیم‌لریده طالب‌لر حاکم بولگنیدن سونگ، اونلرچه عایله بهارک تومنی گه بدرغه بولگن‌لر، «بیراق محلی پولیس و مردمی کوچلرنینگ اعضالری بولگن یاشلری قوراللرینی ییرگه قویمه‌ی و قوراللی شکلده درسی صنف‌لرده حاضر بوله‌دیلر.»
بدخشان ولایتی‌نینگ معارف ریاستی باشلیغی روح‌الله محقق، بهارک تومنی حاکمی‌نینگ بیانات‌لرینی تصدیق‌لب ایتیشیچه، بو موضوع نی محلی حکومت رسمی‌لری بیلن شریک قیلگن و جاری ییل صنف‌لرده قوراللی کیشی‌لرگه رخصت بیریلمه‌سی توغریسیده قرار قیلینگن.
بیراق، بدخشان پولیس قومندانی عبدالخالق آقسای‌نینگ ایتیشیچه، اوشبو اوقووچیلر محلی پولیس و مردمی کوچلرنینگ اعضالری بولمه‌سی ممکن و شو یوزه‌دن بو موضوع نی جدی شکلده تیکشیره‌دی و درسی صنف‌لرده قوراللی کیشی‌لر کیریشی آلدی آلینه‌دی.
بدخشان ولایتی‌نینگ وردوج و یمگان تومن‌لری، قویاش 1394- ییل کوز موسومی‌ده قوراللی طالب‌لرنینگ نظارتی‌گه اوتدی و مذکور تومن‌لردن اونلرچه عایله باشقه منطقه‌لرگه بدرغه بولگن‌لر.
