بوگون «چهارشنبه» کابل شهرینینگ 13- ناحیهسیده صفا شهرچهسی مکتبینینگ قیز اوقووچیلریدن اونلرچهسی ناراضیلیک بیر نمایش یولگه قوییب درسی صنفلر ایجاد ایتیلیب، اوقیتووچیلر تعیین ایتیلیب، میز، چوکی و کتاب تیارلنیشینی سورهگن.
اعتراضچی اوقووچیلرگه کوره، کابل شهری نینگ معارف مسؤوللری، بیر مرته مکتب لرینی تجزیه قیلگن و اوغیل لرنی باشقه مکتب گه انتقال بیریلگن؛ بیراق ایریم دلیل لر بیلن اوغیل لر قیته دن بو مکتب گه قیتریلگن و حاضر اوقیش اوچون قیز اوقووچیلری گه اورین قالمه گن.
اعتراضچی اوقووچیلردن بیری عاطفه حسینی نینگ ایتیشیچه، اوزاق مدتلردن بویان اوقیتووچیلری یوق و ایشلری باریب مکتب دن بوش قیتیش دیر. اونگه کوره، نیچه ییل دن بویان اوشبو مکتب اوقووچیلری اوچون صنف، استاد، کتاب، میز و چوکی یوق دیر.
باشقه بیر اوقووچی نینگ ایتیشیچه، تعلیمی ییل باشله نیشیده اولر اوچون ایری مکتب بولیشی گه سوز بیریلگن؛ بیراق اوغیل باله لر ناراضیلیک بیلدیرگنلریدن سونگ، قیزلرنینگ صنف لری اوغیل لرگه بیریلگن.
شونینگدیک، صفا شهرچه سی مکتبی نینگ باش اوقیتووچیلریدن بیری معصومه، اوقووچیلر اورین کملیگی گه روپه ره بولیب تورگنینی تصدیق لیدی. اونگه کوره، اوغیل باله لرنینگ ناراضیلیگی دن سونگ، زمان جدولی اوچ وقت بولیشی قرار قیلینیب، بیرینچی وقت قیزلر اوچون اجره تیلیب، ایکینچی وقت قوشمه شکلده و شونینگدیک، اوچینچی وقت اوغیل باله لر اوچون اجره تیلگن؛ بیراق ایریم صنفلرده اوقووچیلر جای بولمهیدی.
عین حالده، معارف وزیرلیگی نشرات باشلیغی کبیر حقمل، مذکور مکتب اوغیل و قیز اوقووچیلرینینگ دادخواهلیک موضوعلریدن خبرسیزلیک بیلدیریب ایتیشیچه، اوقووچیلر اولرگه مراجعت قیلگن صورتده، قیینچیلیکلر تیکلنهدی.
