بدخشان ولایتی بهارک تومنی‌نینگ یشاوچی‌لریدن یوزلرچه اوشبو تومن پولیس قومندانی‌گه قرشی اعتراض قیلگنلر.
اعتراضچی‌لرنینگ ایتیشیچه، ناتینچلیک‌لر کوپه‌یشی چکه‌سیده، جنایی جرم‌لر کوپه‌یب و بو تومن محلی مسووللری خوفسیزلیک‌نی تامین قیله‌آلمه‌یدی. اولرنینگ کوپه‌یتیریشیچه، قطار ناقانونی قوراللی کیشی‌لر یشاوچی‌لرنی اذیت قیله‌دی.
اعتراضچی‌لرنینگ کوپه‌یتیریشیچه، بهارک تومنی‌نینگ پولیس قومندانی عبدالودود راسخ گه تیگیشلی بولگن قوراللی کیشی‌لرنی ناتینچلیک‌لرگه قول‌لری بار و هرکون اهالی‌نی اذیت قیله‌دیلر. اعتراضچی‌لرگه کوره، اوشبو کیشی‌لرنینگ اذیتی باعث، اوی‌دن چیقیش‌گه وحشت قیله‌دیلر.
بیراق بهارک پولیس قومندانی عبدالودود راسخ‌نینگ بو ادعالرنی رد قیلیب ایتیشیچه، اعتراضچی‌لرگه تیگیشلی بولگن قوراللی کیشی‌لر نیچه کون آلدین بیر توی کاروانی‌گه هجوم قیلیب 4 کیشی‌نی اولدیرگن‌لر. جناب راسخ‌گه کوره، اعتراضچی‌لر بو حرکت آرقه‌لی عیب‌لنگن کیشی‌لرنی قولگه آلینیشی‌گه توسیق بولیش اوچون سعی و حرکت قیله‌دیلر.
بهارک، بدخشان ولایتی‌نینگ ناتینچ تومن‌لریدن بیری دیر. اوشبو ولایت‌ده ناقانونی قوراللی گروه‌لر آره‌سیده تارتیشوولر بولگنی باعث، گاه‌گاهی قانلی آتیشمه یوز بیره‌دی.
