بدخشان ولایتی نینگ ارغنجخواه تومنیدن محلی بیر منبع نینگ ایتیشیچه، اوتگن کیچه ارغنجخواه تومنی نینگ «دوآب» قیشلاغیده طالبان گروهی نینگ جنگریلری ایکی عایله نینگ اعضاسینی اوققه توتگن.
بدخشان پولیس قومندانلیگی سوزلاوچیسی ثناالله روحانی، اوشبو واقعه نی تصدیقلب ایتیشیچه، واقعه عامل‌لری تاپیلیشی خصوصیده پولیس کوچلری نینگ تیرگاوی نتیجه‌سیز قالگن و شونینگدیک، اوشبو واقعه سببی حاضرگه‌قدر بیللی بولمه‌گن.
عین حالده، ارغنجخواه تومنیدن دولتی بیر منبع آتی فاش ایتیلیشی‌نی ایستمه‌ی ایتیشیچه، بو کیشی‌لر طالبان نینگ جنگریلری تامانیدن اولدیریلگن.
منبع گه کوره، اوشبو واقعه قربانلری اسماعیلیه مذهبی دن بولیب و ارغنجخواه تومنی نینگ شیوه منطقه‌سیده یشه‌یدی ایکن.
طالبان گروهی حاضرگه‌قدر یوز بیرگن واقعه توغریسیده هیچ نرسه دیمه‌گن.
