.jpg)
د درواز پايين ولسوالۍ يو شمېر اوسېدونکي وايي، طالبانو تېره شپه پر يادې ولسوالۍ بريد وکړ او د دې ولسوالۍ يو شمېر سيمې يې ونيولې.
دوی وايي، طالبانو د درواز بالا ولسوالۍ له لوري پر درواز پايين ولسوالۍ بريد وکړ د او ولسوالۍ يو شمېر سيمې يې نيولي؛ خو د ولسوالۍ ودانۍ، امنیې قومندانۍ او نورې دولتي ودانۍ يې نه دي نيولي.
د بدخشان د امنيې قومندانۍ وياند ثناالله روحاني د ياد خبر په تاييد سره وايي، طالبان د باغرېګي سيمې ته رسېدلي او خپلو لپاره يې امنيتي ځواکونه لېږلي دي.
که څه طالبان ادعا کوي چې په دې نښتو کې يې امنيتي ځواکونو مرګژوبله اړولې ده؛ خو د بدخشان د امنيې قومندانۍ وياند يوازې د طالبانو له لوري د درې پوله ساتو پوليسو د نيول کېدو خبر تاييدوي. نوموړی وايي، په دې نښتو کې ۲ طالبان وژل شوي هم دي.
دا په داسې حال کې ده چې تېره ورځ د ۲۱۷ پامير قول اردو د دويمې لوا د رسنيو دفتر په درواز بالا ولسوالۍ کې ۱۵ طالبانو د مرګژوبلې خبر ورکړی و.
