بیرلشگن ملت‌لر تشکیلاتی‌نینگ باش کاتبی بان‌کی مون، سوریه‌ده فاجعه چقور ایلدیز آتگن و بو مملکت یامان وضعیت‌ده دیگن.
اوتگن کون بیر بیانات آرقه‌لی سوزله‌گن بان‌کی مون، دنیا بوندن اوچ ییل آلدین ژنوده سوریه‌ده تینچلیک‌نی اورنه تیش اوچون بیرگن وعده‌لریگه عمل قیله آلمه‌گن‌لیگی اوچون شرم قیلیشی کیره‌ک دیگن.
بان‌کی مون سوریه ایچکی اوروش‌لریده 220 مینگ کیشی هلاک بولیب، باشقه مینگ‌لب انسان یره‌لنگن‌لیگنی ایتگن.
اونگه کوره، سوریه‌نینگ کمیده یریم نفوسی آواره بولگن. شونینگ‌دیک مذکور مملکت‌نینگ اهالیسی هنوزهم غولچه‌یی بابمه‌لر آستیگه آلینماقده‌لر.
بیرلشگن ملت‌لر تشکیلاتی‌نینگ باش کاتبی، سوریه‌نینگ کته قسمی ایریم افراطی گروه‌لر جمله‌دن داعش القاعده و جبهه‌النصر تصروفی‌گه اوتگن دیگن. ایتیلیشیچه، بو مملکت‌نینگ مدنی و تاریخی میراث‌لری هم یوق بولیش عرفه‌سیده.
جناب مون، وضعیت حل بولیشی اوچون ییچیم یول قدیریلیشی‌نی سوره‌گن.
عین‌حالده، بیرلشگن ملت‌لر تشکیلاتی‌نینگ سوریه ایش‌لری بوییچه مخصوص نماینده‌سی استفن ده‌میستورا، بو مملکت‌نینگ بحرانی حلی اوچون ایریم گروه‌لر جمله‌دن جمهور رییس بشار اسد بیلن اوچره‌شیب ملاقات قیلگن ایدی.
بیرلشگن ملت‌لر تشکیلاتی رهبرنینگ بیاناتی ژنو تینچ لیک مذاکره‌لری‌نینگ اوچینچی ییل‌لیگی مناسبتی بیلن نشر بولگن.
ژنو مذاکره‌لری 2012- ییل‌ده سوریه ایچکی اوروش‌لری حلی اوچون اوتکزیلگن ایدی. مذاکره ده، سوریه‌ده‌گی جاری سیاسی جریانگه پایان بیریلیشی سوره‌لگن ایدی.
گرازش‌لرگه کوره، ژنوده اوتکزیلگن مذاکرلردن بیری، سوریه گه اونچه‌لیک اوزگریش کیلمه‌گن.
حاضرگی کون‌ده ایریم افراطی گروه‌لر جمله‌دن داعش سوریه‌نینگ کته قسمینی تصروف قیلیب کیلماقده.
