ایران حربی کوچلری نینگ عمومی علاقهلر بوییچه ادارهسی نینگ خبرنامهسیده اعلان قیلینیشیچه، «جاسک و چابهار» سوولرینی عمومی منطقهسیده سوو سوزوچیلریدن بیری ده دریا تمرینی جریانیده یوز بیرگن حادثه ده 19 کیشی اولگن.
ایسنا خبری آژانسی نینگ گزارشی اساسیده، مذکور خبرنامهده کیلیشیچه، حادثه یوز بیرگنیدن سونگ، دینگیز بوییچه یاردم و قوتقرووچی گروهلر محل گه ییتیشگن و بو واقعه ده اولگنلر و یرهلنگنلرنی ساغلیک مرکزلری گه انتقال بیرگن.
ایران حربی کوچلری نینگ عمومی علاقهلر بوییچه ادارهسی، اوتگن کیچه عمان دریاسیده جاسک بندری سوولریده تمرین جریانیده حادثه یوز بیرگنیدن خبر بیرگن.
بوندن آلدین، ایران خبرچیلری نارسمی گزارشلردن نقل قیلیب اوشبو سوو سوزوچی تامان تمرین جریانیده «ناو جماران دن کروز موشک» خطا شکلده آتیلگنیدن خبر بیرگن ایدی. بیراق، ایران حربیسی نینگ خبرنامهسیده بو واقعه قندهی بیر شکلده یوز بیرگنی گه اشاره قیلینمهگن.
