بامیان ولایتی‌نینگ کهمرد تومنی آق سقال‌لری و قوم بویوک‌لریدن بیرقطاری، بوگون مذکور ولایتده طالبان گروهی رهبرلری بیلن اوچره‌شیب و نیچه وقت آلدین طالب‌لر تامانیدن قولگه آلینگن 4 تینچ اهالی قوییب یوباریلیشی‌نی سوره‌گن.
طالب‌لرنینگ مسؤوللری، تینچ اهالی‌لرنی بدلی‌ده بامیان محلی حکومتی‌دن مذکور گروه‌نینگ 5 جنگریسی قماقدن قوییب یوباریلیشی‌نی طلب قیلگن.
بیراق، بامیان محلی حکومتی قوراللی طالب‌لرنینگ بو ایسته‌گی‌نی اوروش اصولی گه قرشی بیلیب ایتیشیچه، قوراللی طالب‌لر جنگریلری برابریده 4 تینچ اهالی‌نی اسیرگه آلگن.
بامیان حاکمی سوزلاوچیسی عبدالرحمان احمدی‌نینگ ایتیشیچه، مذکور ولایت‌نینگ محلی حکومتی جنگری طالب‌لرنی اوروش میدانیده قولگه آلگن و اولر بیلن قانون اساسیده یانده‌شه‌دی.
طالبان گروهی حاضرگچه بو موضوع توغریسیده عکس‌العمل بیلدیرمه‌گن.
