افغانستان مالیه وزیرلیگی 250 میلیون دالرلیک کیلیشوونی امضاله‌دی. اوشبو شرطنامه اساسیده دوشی – بامیان عمومی یولی قوشیمچه سالنگ‌لر یولی قیته قوریله‌دی. اوشبو کیلیشووگه دنیا بانکی بیلن افغانستان مالیه وزیریلگی اورته‌سیده قول قوییلگن.
بوگون (شنبه) مملکت مالیه وزیری اکیلل حکیمی مذکور شرطنامه گه قول قوییش چاغیده ایتیشیچه، بو کیلیشووگه موافق اوشبو لایحه‌نینگ بوتون خرجتی دنیا بانکی تامانیدن افغانستان حکومتی اختیاریگه قویله‌دی.
جناب حکیمی: « حکومت‌نینگ پلانلریدن بیری افغانستان جنوبی همده مرکزی آسیاده بیر کوپریک صفتیده تجاری، ترانزیت و خلق باردی کیلدی‌سی اوچون قنده‌ی شرایط یره‌تیب بیریش‌گه سعی وحرکت قیله‌دی و مذکور لایحه ایسه حکومت‌نینگ دستلبکی عمل‌گه آشیره دیگن برنامه‌لریدن سنله‌دی»
مالیه وزیری اوشبو طرح‌نینگ تدراکات مساله‌سی شفاف صورت‌ده عملی بوله‌دی دیگن.
مملکت فواید عامه وزیری محمودبلیغ‌نینگ سوزلریگه‌کوره، دوشی – بامیان و سالنگ‌لر تونللرینی قیته قوریش ایشی میلادی 2016- ییلده باشله‌نیب 2019- ییلده اوز پایانی‌گه ایریشیشی ممکن.
شونینگ‌دیک جناب بلیغ: « هندوکش لایحه‌سی ایکی پروژه؛ بیریسی 152 کیلومتردن عبارت دوشی – بامیان عمومی یولی قوریلیشی وایکینچی‌سی 86 کیلومتر اوزونلیگی بولگن سالنگ‌لر عمومی یولینی قیته قوریش دیر» اونگه کور، شمال یولی و سالنگ تونللری‌نینگ قیته قوریش ایشی جبل‌السراج ولسوال‌لیگی‌دن باشلنیب خنجان ولسوالیگیگچه دوام ایته‌دی.
افغانستان فواید‌عامه وزیری جناب بلیغ، مذکور ایکی لایحه عملی ایتیلیشی بیلن مملکت بوتون شمالی ولایت‌لری مرکز و افغاسنان جونبی ولایت‌لری بیلن قوشیله‌دی دیگن.
افغانستان‌ده دنیا بانکی‌نینگ باشلیغی باب سام، اقتصادی فعالیت یخشی له‌نیشی واهالی نینگ تورلی بولیم‌لرده اقتصادی آشیشی عمومی یول‌لر وضعیتی‌گه توغریدن توغری باغلیق دیگن. او، مملکت‌نینگ مذکور ایکی مهم عمومی یولی قوریلیشی بیلن مملکت اهالی‌سی اقتصادی اوچون ایجابی تاثیر قالدیریب و افغانستان شهرلری قوشیلیش شرایطی‌نی یره‌ته‌دی دیگن.
جناب بلیغ‌گه‌کوره، افغانسان فواید‌عامه وزیرلیگی همده دنیا بانکی مذکور لایحه‌گه قول قویمس‌دن آلدین بامیان – دوشی عمومی یولی اساسی شکل‌ده قوریلیشی اوچون مسلکی بیر گروه تشکیل بیرگن و هنوزگچه مذکور یول نینگ 23.7 کیلومتر بیرینچی بولیمی استملاک ایتیلیب و تصدیق‌له‌نیشی اوچون کابینه‌گه یوباریلگن.
