بامیان بیلیم یورتی نینگ کیچکی بولیمیده فارسی تیلی و ادبیاتی و جامعه شناسلیک دیپارتمنتی بیکار قیلینیشی بیلیم یورت نینگ بیر قنچه استادلری و سیناو آرقه‌لی کیچکی بولیمده درسگه کیره دیگنلرنی خواطریگه سبب بولگن.
بیر قنچه طالبلر یقینده آلینه دیگن سیناو یولی بیلن بیلیم یورت‌نینگ کیچکی بولیمیگه کیریش اوچون تیارگرلیک کورگنلر، اما بیلیم یورت کیچکی بولیمی چهار چوبه‌سیده‌گی فارسی تیل و ادبیاتی همده جامعه شناسلیک دیپارتمنتی بیکار قیلیشینی اوچون سیناودن واز کیچگن‌لیکلرینی بیلدیرگنلر.
اون ایکّینچی صنفنی بیتیرگنلردن شریفه محمدی نینگ سلام‌وطندارگه ایتیشیچه، قیزیقه دیگن ایکّی بولیم ( فارسی تیل و ادبیاتی و جمامعه شناسلیک) تنلنه دیگن بولیملر رویخطیدن چیقاریلگنی باعث بو ییل کانکور سیناویگه کیرمه‌گن.
شونینگدیک خانم محمدی مملکت عالی تحصلات وزیرلیگی نینگ مسووللریدن اوشبو ایکّی بولیم قیته فعال ایتیلیشی‌دن علاوه طلبه‌لر قیزیقه دیگن باشقه بولیملر هم تاسیس ایتیلیشینی سوره‌گن.
بامیان بیلیم یورتی فارسی تیل و ادبیاتی دیپارتمنتی نینگ محصلی عبدالحمید ابراهیمی‌نینگ سوزلریگه کوره، بیلیم یورت کیچکی بولیمیده فارسی تیل و ادبیاتی همده جامعه شیناسلیک بولیمی بیکار ایتیلیشی پارسی تیل و ادبیاتی رونقی اوچون ییریک بیر ضربه حسابلنه‌دی دیگن.
مساله اوچون اعتراض بیلدیرگن بامیان بیلیم یورتی فارسی تیل و ادبیاتی بولیمی نینگ استادلری بو بولیم نینگ کیچکی پیتی یاپیلگن‌‍لیگی‌گه قرشی اعتراض بیلدیریب، عالی تحصیلات وزیرلیگی و بامیان بیلیم یورتی‌نینگ مسووللری، تحصیلی بولیملرنی جبردن محصللر یوزیگه یاپمس‌لیکلرینی سوره‌گنلر.
بامیان بیلیم یورتی فارسی تیل و ادبیاتی بولیمی‌نینگ آمری روح الله دانشیار، مملکت مرکزیده حوزه‌سیده‌گی محصللرنینگ کته قسمی فارسی تیل و ادبیاتی بولیمیده تحصیل آلیشگه قیزیقه دیلر دیگن سلام وطندارگه.
اما، بامیان بیلیم یورتی‌نینگ باشلیغی معصومه خاوری، عالی تحصیلات وزیرلیگی جماعه شناسلیک ینه فارسی تیل و ادبیاتی بولیملرینی ییترلی بودجه بولمه‌گنلیگی باعث استه – سیکن فعالیتینی توخته‌گن دیگن. او، بو بولیم کیله‌جکده قیته فعال بولیشی ممکن دیگن.
بامیان بیلیم یورتی کیچکی بولیم کانکور سیناوی میزان آیی نینگ 23- سیده 550 طلبه اشتراکی بیلن اوتکزیلگن ایدی. کیچکی بولیم کانکورینی آلگن هیات 550 کیشی دن 260 ته بامیان بیلیم یورتیگه قبول بولیشلری ممکن دیگن.
بامیان بیلیم یورتی‌نینگ مسووللری، ولایت بیلیم یورتی کیچکی بولیمیده حاضر 1600 کیشی تورلی بولیملرده درس بیلن شغلله‌نیب کیله دیلر دیگنلر.
