ساغلیقنی سقلش وزیرلیگی نینگ اعلان قیلیشیچه، اوتگن 24 ساعت جریانیده مملکت ده کرونا ویروس دن باشقه 164 ینگی ایجابی واقعه رویخط گه آلینگن. ینگی رویخط گه آلینگن واقعهلر شامل مملکت ده کرونا ویروس گه چلینگنلرنینگ رقمی 2335 کیشی گه ییتیشگن.
بوگون «جمعه، 12- ثور» خبری بیر ییغینده نطق سوزلگن ساغلیقنی سقلش وزیرلیگی سوزلاوچیسی وحیدالله مایارنینگ ایتیشیچه، ینگی واقعهلر قندهار، کابل، بغلان، هرات، بلخ، ننگرهار، بادغیس، لغمان، بامیان، سمنگان، کاپیسا، جوزجان، میدانوردک، پروان و نورستان ولایتلریده رویخط گه آلینگن.
ساغلیقنی سقلش وزیرلیگی نینگ گزارشی اساسیده، اوتگن 24 ساعت جریانیده 45 کیشی قندهار ده، 44 کابل ده، 24 کیشی هرات ده، 13 کیشی بغلان، 6 کیشی ننگرهار ده، 6 کیشی جوزجان ده، 5 کیشی کاپیسا ده، 4 کیشی بلخ ده، 4 کیشی بادغیس ده، 4 کیشی بامیان ده، 3-3 کیشی لغمان و سمنگان ده، 2 کیشی میدانوردک ده و 1-1 کیشی پروان و نورستان ده بو ویروس گه چلینگن.
ساغلیقنی سقلش وزیرلیگی نینگ ایتیشیچه، مملکت ده کرونا ویروس گه چلینگنلردن حاضرگهقدر 310 کیشی قیتهدن ساغهیگن.
ساغلیقنی سقلش وزیرلیگی سوزلاوچیسی نینگ ایتیشیچه، اوتگن 24 ساعت ده کرونا ویروس گه چلینگنلردن 2 کیشی ننگرهار ده و 2 کیشی هم بلخ ده جان بیرگن. ینگی واقعهلر شامل مملکت ده کرونا ویروس باعث، جان بیرگنلرنینگ سانی 68 کیشی گه ییتیشدی.
ساغلیقنی سقلش وزیرلیگی نینگ ایتیشیچه، ساغلیک ایشلاوچیلریدن هم 228 کیشی بو ویروس گه چلینگن ایکن و حاضر اولردن بیرقطاری یخشی بولگن.
