افغانستان مدنیت و معلومات وزیرلیگی مسؤوللری‌نینگ ایتیشیچه، ایتالیا دولتی‌نینگ مالی همکارلیگی و بیرلشگن ملت‌لرنی علمی، مدنی و اورگه‌تیش و تربیه‌لش تشکیلاتی (یونسکو) یاردمی بیلن بامیان ولایتیده بیرینچی باستان شناسلیک پارک قوریلهدی.
مدنیت و معلومات وزیرلیگی‌نینگ باستان شناسلیک باشلیغی نورآغا نوری نینگ ایتیشیچه، بو باستان‌شناسلیک پارکی کیله‌سی 3 ییل گچه بودا مجسمه‌سی برابریده قوریلهدی.
افغانستان‌ده ایتالیا دولتی‌نینگ همکارلیک‌لر دفتری مسئولری نینگ ایتیشیچه، ایتالیا نینگ یاردم بیریشی دن هدف، خلق‌ارا میراث‌لر سقله‌نیشی، اهالی نینگ اقتصادی وضعیتی یخشی بولیشی و گیزمه صنعتی نی رواجلنتریش دیر.
افغانستان‌ده ایتالیا همکارلیک‌لری دفتری نی باشلیغی دکتر مائورو گروتی نینگ ایتیشیچه، بو پارک نی قوریش و بامیان‌ده‌گی تاریخی آبده‌لرنی سقلش اوچون 4 میلیون یورو نی اجره‌تگنلر.
مملکت بوییچه یونسکو تشکیلاتی‌نینگ مدنیت بولیمی باشلیغی دکتر ناگاوکا ماسانوری‌نینگ ایتیشیچه، بامیان ولایتیده باستان‌شناسلیک پارکی نینگ قوریلیشی خلق‌ارا میراث‌لرنی سقلش اوچون موثر دیر.
بامیان مملکت مرکزی‌ده قرار تاپیب تاریخی و قدیمی ولایت‌لردن حسابلنه‌دی و مذکور ولایت‌ده بودایی، زردشت و اسلام دوره‌سیدن کوپینچه آثرلر و منطقه‌لر موجود دیر.
