بامیان اهالیسی‌دن مینگ‌لرچه‌سی، بوگون ایرته‌لب ساعت 7 دن آواز بیریش مرکزلری برابریده صف تارتیب و ایسته‌گن نامزدلریگه آواز بیره‌دیلر.
امنیتی و سیلاو مسؤوللری اهالی‌دن هیچ قنده‌ی خواطرلنمس‌دن آواز بیریش جریانیده اشتراک قیلیش‌لرینی سوره‌گن.
بامیان ولایتیده سیلاولر ایرکین کمیسیونی‌نینگ ولایتی دفتری باشلیغی علی‌شاه مصباح نینگ ایتیشیچه، آواز بیریش مرکزلریده بامیان اهالیسی کینگ شکلده اشتراک قیلگن.
اونینگ اهالی‌گه ایشانچ بیریشیچه، آواز بیر مرکزلری بوتون اهالی آواز بیرگونگه‌قدر آچیق توره‌دی.
شونینگدیک، بامیان پولیس قومندانی حمیدالله خدایی، مذکور ولایتده خاص امنیتی تدبیر آلینگنیدن خبر بیریب ایتیشیچه، بغلان ولایتی‌نینگ تاله‌وبرفک تومنی یقینیده بولگن آواز بیریش مرکزلر امنیتی مسئله باعث، باشقه منطقه‌لرگه انتقال بیریلگن.
عین حالده، آواز بیرووچیلرنینگ ایتیشیچه، سیلاولر کمیسیونی‌نینگ ایشلاوچیلری بایومتریک سیستمه‌سینی یخشی بیلمه‌گنی باعث، آواز بیریش جریانی سُست‌لیک بیلن ایلگری کیته‌دی.
سلام‌وطندارگه صحبت بیرگن آواز بیرووچیلردن بیری نیکبخت فهیمی‌نینگ ایتیشیچه، آواز بیریش مرکزلردن بیرقطاریده نظارتچی‌لر و سیلاو ایشلاوچیلری‌نینگ آره‌سیده‌گی اویغونسیزلیک، بایومتریک سیستمه‌سینی بیلمه‌گنی آواز بیریش جریانی آرتده قالیشی گه سبب بولگن.
مملکت مرکزیده بولگن بامیان تینچ ولایت‌لردن بیری سنله‌دی و سیلاو کونی اوچون اوشبو ولایت بویلب 220 آواز بیریش مرکز فعال تورگن.
نماینده‌لر کینگشی‌نینگ سیلاوی اوچون اوشبو ولایتده کمیده 170 مینگ آواز بیرووچی رویخط‌گه آلینگن و 50% دن آرتیغی عیاللر دیر.
