بامیان معارف ریاست مسئوللری نینگ ایتیش‌لریچه، مذکور ولایت یشاوچی‌لریدن قطاری نیچه جریب ایکینچیلیک ییرلرینی مکتب قوریلیشی اوچون اَجره‌تگن.
بامیان مرکزی درۀ فولادی یشاوچیسی حیدر نینگ ایتیشیچه، شخصی ییرلریدن 3 جریبی نی «زکریای فولادی» ناملی بیر مکتب قوریلیشی اوچون بغیشله‌گن.
حاضر مذکور مکتب اوقووچی‌لری بنا و درسی صنف یوقلیگی باعث آچیق فضا و مسجدلرگه تعلیمات آلماقده.
عین حالده اوشبو منطقه یشاوچی‌لریدن باشقه بیر قطاری مکتبلر بناسی قوریلیشی، میز و چوکی و شونینگدیک باشقه کیره‌کلی نرسه‌لری ساتیب آلینیشی اوچون، مذکور ولایت معارف ریاستی گه یاردم بیریشگن.
بامیان معارف ریاست سرپرستی فوزیه محبی نینگ ایتیشیچه، مذکور کیشیلر اوتگن ییل قیشی موسمی‌دن بویان کمیده 14 جریب ایکینچیلیک ییرلرینی مکتب قوریلیشی اوچون بغیشله‌گن.
اونگه کوره، اوشبو ییرلر معارف گه بغیشله‌نیشی بیلن 10 قیشلاق نینگ باله‌لری مکتب گه ایگه بوله‌دی.
بامیان معارف ریاستی نینگ معلوماتی اساسیده، حاضر بو ولایتده کمیده 150 مینگ اوقووچی درس اوقیش بیلن شغللنگن کیم اولرنینگ 47 فایزی‌دن آرتیغی نی قیزلر تشکیل بیره‌دی.
باشقه بیر تاماندن معارف گه اهالی نینگ یاردم‌لری دوامی‌ده لوگر ولایتی نینگ بره‌کی‌برک تومنیده احمدالله عابد ناملی بیر دین عالمی 400 متر مربع شخصی ییری نی معارف گه بغیشله‌گن.
جاری ییل ده «اقرأ» پروژه‌سی آرقه‌لی مذکور ییرده «شاه‌ویس قرن» مکتبی قوریلیشی گه قرار قیلینگن.
شاه‌ویس قرن مکتبی قویاش 1381- ییل‌ده لوگر ولایتیده فعالیت گه باشله‌دی و حاضر 1000 دن آرتیق اوقووچیسی بار کیم اولردن 383 ته‌سینی قیزلر تشکیل بیره‌دی.
ایتیش کیره‌ک کیم شونینگدیک اوتگن ییل‌لرده پکتیا و غور ولایتی یشاوچی‌لری شخصی ییرلری نی مکتب قوریلیشی اوچون اَجره‌تگن ایدیلر.
