بو واقعه بامیان شهری‌نینگ «سیاه‌لیک» قیشلاغیده یوز بیرگن.
بامیان پولیس قومندانلیگی‌نی کشفی بولیمی مسووللری‌نینگ ایتیشیچه، مذکور عیال نینگ آت‌ی صغرا ایکن و "شنبه" کونی توشدن سونگ، تورموش اورتاغی(ایری) محمدعلی بیلن چوپان‌لیک قیله‌دیگن بیرچاغده یوقالگن.
بامیان پولیس قومندانلیگی نینگ جنایی مدیریتی سرپرستی سیدربانی نینگ سلام‌وطندارگه ایتیشیچه، اولدیریلگن عیال 35 یاشر دیر و اونینگ جسدی اوتگن کونی محل یشاوچیلری و ایناغه‌سی تامانیدن "فولادی" دره‌سیدن تاپیلگن.
بامیان جنایی مدیریتی مسووللریگه کوره، صغرا فاجعه‌لی شکلده اولدیریلگن و اونینگ جسدی تیکشیریش اوچون عدلی طب گه یوباریلگن.
مذکور عیاللرنینگ تورموش اورتاغی پولیس تامانیدن قولگه آلینگن.
بامیان ولایتی بوییچه عیاللر ریاستی نینگ عیاللرگه قرشی زوره‌وانلیک واقعه‌لرنی تیکشیریش بولیمی مدیری سکینه موحدی نینگ ایتیشیچه، صغرا نینگ ایناغه‌لرینی ادعا قیلیشیچه، مذکور عیال تورموش ارتاغی تامانیدن اولدیریلگن.
خانم موحدی‌گه کوره، حاضرگه‌قدر بو قتل انگیزه‌سی بیللی ایمس و بو توغریده تحقیقات‌لرنینگ دوامی بار.
