پکتیا یشاوچیلریدن یوزلرچهسی حربی کوچلر ترقهلیشی خصوصیده طالبان گروهینینگ سونگی موضوعیگه قرشی ناراضیلیک بیلدیرگنلر.
ناراضچیلرنینگ ایتیشیچه، طالبان گروهی منطقه استخباراتلرینینگ ناتوغری لایحهلریگه رد جواب بیریب و افغانستان حکومتی بیلن مذاکره قیلیشی کیرهک.
اعتراضچیلرنینگ مسکو تینچلیک ییغینیده قرشی کیلیب ایتیشیچه، اوشبو ییغینگه اشتراک قیلگنلر افغانستاندن نمایندهلیک قیله آلمهیدیلر.
اولرنینگ کوپهیتیریشیچه، موقت حکومت ایجاد ایتیلیشی قابل قبول ایمس و حاضرگی نظامده قیینچیلیک بولگن صورتده، مذکور قیینچیلیکلرنی اصلاح ایتیلیشی کیرهک.
شو توغریده…
- افغان عیاللر ترماغی؛ حربی کوچلر ترقهلیشی قیزیل چیزیغ دیر
افغانستان اردوسی ترقهتیلیشی منطقه استخباراتینینگ ایستهگی دیر
اولر، قطر و روسیهده آمریکا و روسیه جنراللری آرقهلی ینگی اوروشنی باشلهیدیگنلر و ملی اردونی ترقهلیشی اوچون سعی و حرکت قیلهدیگنلرنی محکوم قیلگنلر.
اعتراضچیلرنینگ کوپهیتیریشیچه، مسکو ییغینیده افغانستاندن اشتراک قیلگنلر، مجاهد و یشاوچیلر نمایندهسی ایمس.
مملکت جمهور رییسی محمداشرف غنی، اوتگن کونی طالبلر نمایندهسی عباس استانکزینینگ سوزلریگه قرشی کیلیب افغانستان ملی اردوسینی ترقهلیشیگه اجازه بیرمسلیگینی ایتگن ایدی.
