بامیان ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، بوگون "شنبه" ایرته‌دن چاغیده، پولیس رسمی‌لریدن بیری اوشبو ولایتده بولگن پولیس قومندانلیگی نینگ مهمانخانه‌سیده بیر یاش قیزنی جنسی زورلگن.
عین‌حالده، بامیان پولیس قومندانلیگی نینگ کشفی بولیمی آمری سیدحاجی ربانی نینگ ایتیشیچه، مذکور پولیس‌نی اوشبو قیز بیلن تلفون آرقه‌لی، رابطه‌سی بارلیگی تصدیق‌لنگن.
اونینگ ایتیشیچه، حاضرگه‌قدر اوشبو قیزنینگ جنسی زورلنگنی اثبات‌لنمه‌گن. اونینگ کوپه‌یتیریشیچه، بو موضوع پولیس قومندانلیگی نینگ جنایی بولیمی و باش قاره‌لاوچیلیک اداره‌سی تامانیدن تیکشیریله‌دی.
ایتیلیشیچه، اوتگن ییل قربان هییتی نینگ ایکینچی کونیده، بامیان قرارگاهی و تولی نینگ قومندان‌لری انه‌شو مهمانخانه‌ده 25 یاشر بیر عیال‌نی جنسی زورلگن ایدی.
