بامیان محلی مسؤوللری‌نینگ ایتیشیچه، کهمرد، سیغان و ورس تومن‌لریده یاغگن کیین مه کیین یامغیر و سوو تاشقین‌لری نتیجه‌سیده، مذکور تومن‌لرنینگ یشاوچیلری کوپلب مالی زیان کورگن‌لر.
اوشبو مسؤوللرگه کوره، ایسلنگن تومن‌لرده 200 اوی، 500 جریب دن آرتیق ایکینچیلیک ییر و کمیده 100 کیلومتر سرک بوزیلگن و شونینگدیک، 100 چاروا تلف بولگن.
شونینگدیک، بامیان ولایتی‌نینگ طبیعی حادثه‌لرگه قرشی کوره‌ش اداره‌سی بو ادعانی تصدیق‌لیدی. مذکور اداره‌نینگ ایتیشیچه، مرکزی حکومت بو توغریده کوپراق دقت قیلیشی کیره‌ک.
بامیان ولایتی‌نینگ باشقه منطقه‌لریده هم قتیق یامغیز یاغیش‌لر و سوو تاشقین‌لری کوپلب مالی زیان ییتکیزگن؛ بیراق ییتیشگن مالی زیانلردن دقیق رقم قولده ایمس دیر.
