.jpg)
بوگون «سه‌شنبه» کابل‌ده اندراگاندی کسلخانه‌سیده اجراییه باشلیغی عبدالله عبدالله، ساغلیق‌نی سقلش وزیری فیروزالدین فیروز و باشقه دولت رسمی‌لریدن بیرقطاری‌نینگ حضوریده، باله‌لرگه خاص یورک کسل‌لیگی‌نی جراحلیک قیلیش بولیمی‌نی تمل تاشی قوییلدی.
ساغلیق‌نی سقلش وزیری فیروزالدین فیروزنینگ ایتیشیچه، باله‌لرنینگ آره‌سیده یورک کسل‌لیگی کوپه‌یماقده و حاضرگچه اوشبو کسل‌لیک‌که چالینگن 26 مینگ‌دن آرتیق باله ساغلیق‌نی سقلش وزیرلیگی‌ده رویخط‌گه آلینگن.
جناب فیروزگه کوره، ساغلیق‌نی سقلش وزیرلیگی، قیزیل آی و خصوصی بولیم‌نینگ همکارلیگی بیلن ییل‌ده بیر مینگ‌دن ایکی مینگ گچه باله‌نی دارولش اوچون چیت ایل مملکت‌لرگه یوباره‌دی.
.jpg)
شونینگدیک، اوشبو ییغینده اجراییه باشلیغی عبدالله عبدالله نینگ ایتیشیچه، ساغلیق‌نی سقلش بولیمی‌ده اونملی ایش‌لر بولگن، بیراق حاضرگچه مملکت اهالیسی‌دن کوپینچه‌سی دستلبکی کسل‌لرنی دارولش ا وچون مملکت‌دن تشقری سفر قیله‌دیلر.
جناب عبدالله گه کوره، باله‌لرگه خاص یورک کسل‌لیگی‌نی جراحلیک قیلیش مرکز قوریلیشی یورک کسل‌لیک‌لریگه چالینگن باله‌لر دارولنیشی اوچون اونملی آدیم سنله‌دی.
افغانستانده باله‌لرگه خاص یورک کسل‌لیگی‌نی جراحلیک قیلیش بیرینچی مرکزی‌نینگ تمل تاشی یورک کسل‌لیگی‌گه چالینگن باله‌لر داورلنیش اوچون کوپ پول بیلن چیت‌ایل مملکت‌لرگه یوباریله‌دیگن بیرچاغده قوییله‌دی.
