بوگون «سه‌شنبه» کابل‌ده خبری بیر ییغین اوتکزگن باله‌لرنی تربیه‌لش و اصلاح قیلیش مرکزلر مسؤوللری‌نینگ ایتیشیچه، بو مرکز انشاعات کم‌لیگی‌گه روپه‌ره بولگن.
اولرگه کوره، اوشبو مرکزلرده 24 ساعت جریانیده هر بیر باله‌نینگ کونده‌لیک خرجتی اوچون 90 افغانی توللنه‌دی.
کابل‌ده باله‌لرنی تربیه‌لش و اصلاح قیلیش مرکزلر باشلیغی میرفیاض‌الدین امینی‌نینگ ایتیشیچه، قانون‌گه قرشی عمل‌لرگه عیب‌لنگن باله‌لرنی یخشی بیر شکلده اصلاح قیلیش خصوصیده، ییترلیچه انشاعات کیره‌ک؛ بیراق بو مرکزنینگ حاضرگی انشاعاتی ییترلی ایمس دیر.
امینی گه کوره، باله‌لرنی تربیه‌لش و اصلاح قیلیش مرکزلری‌نینگ سوو و برقی، درسی معلوماتی، اوقیتووچیلری، ساغلیک مرکزلر، استندرد بنالری و نقلیه واسطه‌لری ییترلی بولمه‌گن.
کابل‌ده باله‌لرنی تربیه‌لش و اصلاح قیلیش مرکزلر باشلیغی، وزیرلیک‌لر، دولتی اداره‌لر و خصوصی بولیم‌لردن مذکور مرکزلرگه یاردم بیریش‌لرینی سوره‌دی.
باشقه تاماندن، عدلیه وزیرلیگینی مسلکی اورین باسری محمدقاسم حلیمی‌نینگ ایتیشیچه، باله‌لرنی تربیه‌لش و اصلاح قیلیش مرکزلریگه قانون گه قرشی عمل‌لرگه عیب‌لنگن باله‌لرنی یوباریش‌دن مقصد، اولرنی اصلاح قیلیش و انشاعات تیارلش دیر.
اونینگ ایشانچی گه کوره، قانون گه قرشی عمل‌لرگه عیب‌لنگن باله‌لرنی اصلاح قیلیش اوچون حبس سونگی گزینه بولیشی کیره‌ک.
مسؤول اداره‌لر تامانیدن بیریلگن رقم‌لر اساسیده، مملکت‌نینگ 34 ولایتیده باله‌لرنی تربیه‌لش و اصلاح قیلیش مرکزلریده حبس و قانون گه قرشی عمل‌لرگه عیب‌لنگن 680 باله سقلنه‌دی و بو جمله‌دن 308 باله کابل‌ده دیر.
