افغانستان نماینده‌لر کینگشی نینگ بوگونکی عمومی ییغینیده، باله‌لردن حمایت قیلووچی قانون کوپینچه آواز بیلن تصدیقلندی.
باله‌لردن حمایت قیلووچی قانون قویاش 1396- ییل‌ده نماینده‌لر کینگشی گه یوباریلگن، بیراق بو قانون ده قره‌مه قرشی ماده‌لر بولگنی باعث، نیچه مرته تصدیقلنمه‌گن.
باله‌لردن حمایت قیلووچی قانون ده بولگن قره‌مه قرشی ماده‌لردن بیری، بو قانون ده باله‌لرنینگ یاشی تعیین ایتیلیشی ایدی.
نماینده‌لر کینگشی نینگ اعضالریدن بیرقطاری، بو قانون ده باله‌لرنینگ یاشینی 18 تعیین قیلیشگن، بیراق باشقه بیرقطاری بو توشونچه گه قرشی‌لیک کورسه‌تیشگن.
باله‌لردن حمایت قیلووچی قانونی 16 فصل و 108 ماده ده تیارلنگن. اوشبو قانون ده باله‌لرنینگ اساسی حقوقی، اجتماعی خوفسیزلیک‌لری، مدنی ترقیاتی، ایشلاوچی باله‌لرنینگ خوفسیزلیگی‌نی سقلش، اقتصادی فایده‌لنیش‌لر برابریده باله‌لردن حمایت قیلیش، باله‌لر قاچاقی و ساتیلیشی، فاحشه‌لیک و جنسی زوروانلیک‌لر برابریده باله‌لردن حمایت قیلیش کیریتیلگن.
شونینگدیک، جمهورلیک ریاست سرایی باله‌لردن حمایت قیلووچی قانون نماینده‌لر کینگشی تامانیدن تصدیقلنگنینی خوش قرشی‌لگن.
جمهورلیک ریاست سوزلاوچیسی صدیق صدیقی نینگ اوز توییتر صحیفه‌سیده یازیشیچه، افغانستان حکومتی باله‌لردن حمایت قیلووچی قانون نماینده‌لر کینگشی تامانیدن تصدیقلنگنینی خوش قرشی‌لیدی.
