بوگون «چهارشنبه» ایرته‌لب اجتماعی ترماقلر ایشلاوچی‌لریدن بیرقطاری، کابل شهری نینگ ایریم منطقه‌لریده توسیق یوللردن صورت چیکیب و شهر حربی‌لشگنیدن خبر بیرگن‌لر. ایتیلیشیچه، اوشبو امنیتی تدبیر کابل شهریده ناراضیلیک نمایش یولگه قوییلیشی توغریسیده مش-مش‌لر چیققنی باعث آلینگن.
کابل یشاوچیلریدن بیرقطاری، جاده‌لر توسیلگنیدن شکایت قیلیب ایتیشیچه، یوللر توسیلیشی اولرنینگ ایش و کوچلری اوستیگه سلبی تأثیر تشله‌گن.
کابل یشاوچیلریدن بیری خالق نینگ ایتیشیچه، ایرکین شکلده حیات کیچیریب و ایش قیلیش هرکیم نینگ حقی دیر، بیراق جاده‌لر توسیلیشی اولرنینگ فعالیتی‌گه قرشی قیین‌چیلیک یره‌تگن.
کابل شهریده بولگن پارکینگ‌لردن بیری‌نی مسوولی عبدالغفارنینگ ایتیشیچه، یول توسیق‌لیگی باعث، امنیتی قوروقچی‌لر و ایشلاوچی‌لریدن بیرقطاری ایش محلی‌گه حاضر بوله آلمه‌گنلر. اونینگ ایتیشیچه، یول توسیق‌لیگی اولرنینگ ایشی و اقتصادی وضعیتی‌گه زیان ییتیشتیره‌دی.
کابل یشاوچیلریدن باشقه بیری بسم‌الله نینگ ایتیشیچه، یول توسیلیشی و سبب‌سیز تعطیل‌لر باعث، باله‌لری تعیین ایتیلگن زمانده مکتب باره آلمه‌یدیلر.
اقتصادی ایش بیلرمانلرگه کوره، سبب‌سیز تعطیل‌لر و یول توسیلیشی خصوصی سکتورلر اوستیگه سلبی تاثیر قویه‌دی.
اقتصادی ایش بیلرمانلردن بیری صیام پسرلی نینگ ایتیشیچه، کابل شهریده گاه‌گاهی سبب‌سیز تعطیل صورت تاپه‌دی و اوشبو تعطیل‌لر کسبه کارلر و سوداگرلرگه زیان ییتیشتیره‌دی.
کابل پولیس قومندانلیگی سوزلاوچیسی فردوس فرامرز نینگ ایتیشیچه، بوگون "چهارشنبه" ایرته‌لب احتمالی اعتراض باعث، کابل شهریده امنیتی تدبیرلر آلینگن ایدی، بیراق حاضرده بوتون تورت یوللر آچیق دیر.
بوندن آلدین جمهورلیک ریاستی نامزدلریدن بیرقطاری، 1 جوزا دن سونگ ملی بیرلیک حکومتی ایشی نینگ دوام تاپیشی‌نی قانونگه قرشی بیلیب و ناراضلیک نمایش یولگه قوییش‌لریدن آگاه‌لنتیرگن ایدیلر.
