ایچکی ایشلر وزیرلیگی نینگ رسمی‌لری، کابل پولیس قومندانی‌نی ایشدن آلینگنیدن خبر بیرگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، کابل پولیس قومندانی امان‌الله واحدی کابل شهریده ناتینچلیک‌لر کوپه‌یگنی سبب، ایشدن آلینگن.
کابل شهری سونگی پیتلرده ناتینچلیک، پارتلش و جنایت‌لر کوپه‌یشی‌گه گواه بولگن.
امان‌الله واحدی، جاری ییل حمل آی‌ده کابل پولیس قومندانی صفتیده تعین‌لنگن ایدی.
اوتگن کونی ایچکی ایشلر وزیرلیگی، کابل شهری نینگ 16- و 17- امنیتی حوزه‌لری نینگ آمرلری و بیرقطار مسوول‌لرینی استقلال کونیده غفلت قیلگنی سبب، ایشدن آلینگنیدن خبر بیرگن ایدی.
مملکت جمهور رئیسی محمد اشرف غنی، اوتگن هفته کابل امنیتی مسوول‌لری بیلن اوچره‌شوویده امنیتی حوزه‌لرده اوزگرشلیک کیلیشی‌نی ایسته‌گن ایدی.
