بادغېس کې سړې هوا او د خوراکي او سون توکیو بیو لوړوالي، د دغه ولایت د اوسېدونکیو ژوند له ستونزو سره مخ کړی دی.
د بادغېس یو شمېر اوسېدونکیو سلاموطندار وویل چې د خوراکي او سون توکیو بیې په دغه ولایت کې نږدې دوه برابره لوړې شوې دي.
د دوی په وینا، د هوا له سړېدو او د دغه ولایت د لارې تر تړل کېدو وړاندې، یوه بورۍ سپینې وریجې په ۱۴۰۰ افغانۍ وې، خو اوس یې بیه له ۱۸سوو تر ۲ زرو افغانیو لوړه شوې ده او دغه راز د څلور کیلو لرګیو بیه له ۶۰ نه ۱۰۰ افغانیو ته لوړه شوې ده.
د بادغېس اوسېدونکي نېکمحمد او عبدالغفور وايي، هوا سړه شوې او په بازار کې د توکیو بیې لوړې شوي او پېرلو ته یې وسه نه کېږي.
دوی له اړوندو ادارو، په ځانګړې توګه د یاد ولایت له ښاروالي غواړي چې په بازار کې د توکیو بیې کنټرول کړي.
په همدې حال کې د بادغېس د ولایتي شورا رییس عبدالعزیز بېګ د خوړو او سون توکیو د بیو لوړوالي لامل د هرات – بادغېس د لویې لارې تړل کېدل په ګوته کوي.
د کابل په بازارونو کې د روميبانجانو بیه ۶ برابره لوړه شوې
کابل کې د خوراکي توکو بیې لوړې شوي
فاریاب کې د ګازو بیې بېسارې لوړې شوېدي
نوموړی که څه هم د توکیو د بیو لوړوالي لامل په دغه ولایت کې ډېر اورښتونه او د کرایو لوړېدل یادوي، خو وايي، ښاروالي باید په بازار کې د توکیو پر بیو څار وکړي.
خو د بادغېس د ښاروالي سرپرست اسحاق واثق وايي، که څه هم مخکې به ښارواليو د بازار پر بیو کنټرول درلود، خو اوس ازاد بازار دی او دوی د توکیو د بیو د کنټرول په برخه کې هېڅ مسوولیت نهلري.
بلهخوا د بادغېس ولایت د ټولګټو چارو مسوولان وايي، د لنډ مهال لپاره د اورښتونو له امله د هرات – بادغېس لویه لار د ټرافیکو پر مخ تړلې وه، خو اوس یاده لار پرانستل شوې ده.
