بادغیس ولایتی‌نینگ معارف رسمی‌لری نینگ ایتیشیچه، اوتگن کیچه ساعت 8 اطرافی‌ده طالب‌لر ولایت مُقر تومنی نینگ ایچکه قیشلاقیده‌گی قیزلر مکتبی‌نی بوزیب تشله‌گن.
بادغیس ولایتی نینگ معارف سرپرستی عبدالقیوم ساجدنینگ سلام‌وطندارگه ایتیشیچه، مذکور مکتب اداره‌سی قوشیمچه 8 درس‌لیک صنف‌دن عبارت بولیب 290 قیز درس اوقیش بیلن مصروف ایدی، اما طالبلرنینگ ماین اورنه‌تیشی بیلن بوتونلی اورته‌دن کیتگن.
شونینگ‌دیک جناب ساجدگه کوره، بوگون امنیتی کوچلر محلنی تیکشیریش اوچون منطقه‌ده باریشی بیلن طالب‌لر تامانیدن هجوم‌گه آلینگن و امنیتی کوچلر بیلن طالب‌لر ارا نیچه ساعت اوروش دوام تاپگن.
ایکی ییل آلدین ایچکه قیشلاقیده‌گی قیزلر مکتبی 5 میلیون افغانی هزینه کوتریشی بیلن خلق ارا بانکی تامانیدن توزه‌تیلگن ایدی.
گزارشلرگه کوره، طالب‌لر بوگون بغلان ولایتی‌ده هم بیر مکتبی‌نی ماین بیلن پارتلنتیرگن. بغلان معارف ریاستی‌نینگ سوزلاوچیسی بشیراحمد آرین نینگ سلام‌وطندارگه ایتیشیچه، مذکور گروه بوگون توشدن کیین دندشهاب‌الدینده ایرلشگن گاوسواران مکتبی‌نی ماین بیلن پارتلنتیریب نابود قیلگن.
حاضرگه قدر بوباره‌ده جنگری طالب‌لر بیرنرسه دیمه‌گن.
