طالبان گروهی 25 کون آلدین، بادغیس ولایتیده برچه مخابراتی ترماقلرنی کیچه‌لیک فعالیت‌لری کیسیلیشی توغریسیده آگاه‌لنتیرگن ایدی.
بادغیس ولایتیده مخابراتی ریاست سرپرستی عزیزالله صابری نینگ ایتیشیچه، بو ولایتده 25 کوندن بویان خصوصی مخابراتی ترماقلرنینگ فعالیتی آقشام ساعت 6 دن ایرته ساعت 6 گچه کیسیله‌دی و یالغیز سلام شرکتی فعالیت قیله‌دی.
اونگه کوره، نیچه مرته مخابرات وزیرلیگی و خصوصی شرکت‌لردن کیچه تاماندن فعالیت‌لری دوام ایتیشی نی طلب قیلگن، بیراق حاضرگه‌قدر هیچ بیر ایش قیلینمه‌گن.
بادغیس ولایتیده مخابراتی ریاست سرپرستی نینگ کوپه‌یتیریشیچه، مخابراتی ترماقلرنینگ کیچه‌لیک فعالیت‌لری توخته‌تیلیشی بادغیس یشاوچیلری اوچون کوپینچه قیین‌چیلیک یره‌تیش گه علاوه، مخابراتی ترماقلرگه هم کوپلب زیان ییتکیزگن.
بادغیس حاکمی عبدالغفور ملکزی نینگ ایتیشیچه، مخابراتی ترماقلرنینگ کیچه‌لیک فعالیت‌لری کیسیلگنی توغریسیده بولگن شکایت‌لر مخابرات وزیرلیگی گه یوباریلگن و مخابرات وزیرلیگی بو قیین‌چیلیک‌نی حل قیلیش اوچون سعی و حرکت قیلماقده.
بو گزارش‌ده مخابرات وزیرلیگی نینگ فکرینی اورگه‌نیش اوچون علاقه قوردیک؛ بیراق مؤفق بولمه‌دیک.
طالبان گروهی نیچه آی آلدین هم بادغیس ده مخابراتی ترماقلرنینگ فعالیت‌لرینی کیسگن ایدی.
شو توغریده…
بادغیس ده طالبان کیچه تاماندن مخابراتی ترماقلرنینگ فعالیتی‌نی کیسگن
