طالبان گروهی‌نینگ بالامرغاب تومنی اوستیگه هجوم‌لری کوپه‌یگنی‌دن سونگ، بوگون "یکشنبه" بالامرغاب تومنی یشاوچیلریدن یوزلرچه‌سی بادغیس حاکمی‌نینگ دفتری برابریده اعتراض قیلگن‌لر.
اعتراضچیلر، امنیتی کوچلر اینقسه ترکمنستان چیگره‌سیده طالبان قمراویگه قالگن کوچلردن حمایت بیلدیریب و مرکزی حکومت‌دن بالامرغاب تومنی‌نی طالبان قمراویدن قوتقریشی‌نی طلب قیلگن‌لر.
اولرنینگ ایتیشیچه، مذکور تومن 10 کوندن بویان طالبان قمراویگه قرار تاپگن؛ بیراق حکومت حاضرگه‌قدر بو توغریده دقت قیلمهگن.
اولرنینگ کوپه‌یتیریشیچه، بو مدت‌ده امنیتی کوچلردن اونلرچه‌سی هلاک ایتیلیب یا-ده طالبان قولیگه توشگن و شونینگدیک، بو تومن یشاوچیلریدن کوپ قطاری آواره بولگنلر.
عین‌حالده، بادغیس ولایتی کینگش باشلیغی عبدالعزیز بیگ نینگ ناراضچیلر آره‌سیده حضور تاپیب ایتیشیچه، بالامرغاب تومنی‌نینگ وضعیتی خواطرلنترووچی دیر. اونینگ کوپه‌یتیریشیچه، مذکور تومن‌نینگ موریچاق منطقه‌سیده چیگره کوچلردن 150 ته‌سی طالبان گروهی‌گه تسلیم بولیب یا-ده ترقاقلنگن‌لر؛ بیراق حکومت بو عسکرلرنی قوتقریش اوچون دقت قیلمه‌یدی.
شوتوغریده…
بادغیس حاکمی عبدالغفور ملکزی نینگ اعتراضچیلر حضوری‌گه چیقیب ایتیشیچه، بالامرغاب سقوط قیلمه‌یدی و حاضرده 400 دن آرتیق حربی، عصیانچی‌لرنی نابود قیلیش اوچون بالامرغاب تومنیده یوباریلگن.
گزارشلر کوره، چیگره کوچلریدن 100 ته‌سی ترکمنستان چیگره‌سیده طالبان قمراویگه قالیب و باشقه 50 ته‌سی طالبان گروهی‌گه تسلیم بولگن.
