بوگون «چهارشنبه» ایشلاوچیلر خلق ارا کونیدن نشانلش مراسم ده ایش و اجتماعی ایشلر وزیرلیگینی ایش بوییچه اورین باسری سید عبدالکریم هاشمی نینگ ایتیشیچه، اوشبو وزیرلیک خصوصی ادارهلر ایشلاوچیلرینینگ حقوقی آیاق آستی بولمهسی توغریسیده سعی و حرکت قیلهدی.
جناب هاشمی گه کوره، اوشبو تیکشیروو اساسیده، خصوصی ادارهلر تامانیدن بیریلهدیگن حقوق و امتیازلر قندهیلیگی و باشقه امکانیتلری تیکشیریلهدی.
ایش و اجتماعی ایشلر وزیرلیگینی ایش بوییچه اورین باسری نینگ ایتیشیچه، بو تیکشیروونی کابلده خصوصی بیر میدیادن باشلهگنلر و شونینگدیک، باشقه خصوصی ادارهلر تیکشیریلیشی خصوصیده قرار قیلینگن.
شوندهی بیرحالده، نیچه وقت آلدین وزیرلر کینگشی خصوصی ادارهلر ایشلاوچیلرینینگ بیمهسی و تقاعدی توغریسیده بیر قاعدهنی تصدیقلهدی؛ بیراق کورینیشیچه، بو قاعده حاضرگهقدر عمل گه آشیریلمهگن.
ایش و اجتماعی ایشلر وزیرلیگینی ایش بوییچه اورین باسری نینگ کوپهیتیریشیچه، ایریم ادارهلرده ایشلاوچی عیاللردن بیرقطاری جنسی قیناق و زوروانلیککه دوچ کیلهدیلر.
اونگه کوره، بوندهی واقعهلرنی عامللری قانون اساسیده تیرگاوگه آلینیشلری کیرهک.
