.jpg)
بادغیس ولایتیده مملکت امنیتی کوچلری کیسکین حمایه‌وی کوچلرنینگ حمایتی‌ده 20 کوندن بویان عملیات یولگه قویگن، بیراق محلی مسؤوللرگه کوره، بو عملیات حاضرگچه هیچ نتیجه بیرمه‌گن.
سلام‌وطندارگه صحبت بیرگن بادغیس ولایت کینگشی اعضاسی عبدالعزیز بیک نینگ ایتیشیچه، امنیتی کوچلرنینگ عملیاتی نتیجه بیرمه‌گنی باعث، قوراللی طالب‌لر قلعۀ نو شهری و بالامرغاب، قادس، آبکمری و جوند تومن‌لرینی قمراوگه آلگن.
شونینگدیک، بادغیس یشاوچیلری، اوشبو ولایتده امنیتی کوچلرنینگ مدیریت‌سیزلیگی‌دن تنقید قیلگن‌لر. اولرگه کوره، کونده امنیتی کوچلردن نیچه ته‌سی هلاک ایتیلیب و یره‌لنه‌دی، بیراق بو قربانلیک هیچ قنده‌ی نتیجه بیرمه‌گن.
.jpg)
بیراق، مملکت غربی‌ده 606 انصار زون قومندانی جمعه‌خان عدیل، امنیتی کوچلرنینگ مدیریت‌سیزلیگی‌نی تَن آلمه‌ی ایتیشیچه، بادغیس‌نینگ ایریم منطقه‌لریده افغانستان امنیتی کوچلری‌نینگ قوشمه عملیاتی دوام ایتماقده.
بادغیس ولایتی اوتگن 24 ساعت جریانیده 4 امنیتی واقعه گه گواه بولگن و نتیجه‌ده امنیتی کوچلردن 17 ته‌سی جان بیرگن.
بادغیس‌ده اوتگن بیر کیچه-کوندوز ده قوراللی طالب‌لر قلعۀ نو شهریده آواز بیرووچیلرنینگ رویخط‌گه آلیش مرکز و قادس تومنیده بیر پوسته‌نی اوستیگه هجوم قیلگن‌لر.
