افغانستان ساغلیق‌نی سقلش وزیرلیگی، دنیا ساغلیق‌نی سقلش تشکیلاتی و باشقه مسؤول اداره‌لر همکارلیگی‌ده خوفسیز جاده هفته‌سینی کابل‌ده «سیکین هیده‌نگ انسانلرنینگ جانی‌نی قوتقرینگ» شعاری بیلن نشانله‌دی.
بوگون «دوشنبه» اوشبو مناسبت خصوصیده یولگه قوییلگن ییغینده سوزگه چیققن کابل ترافیک ریاستی عمومی مدیری عبدالودود خیرخواه‌نینگ ایتیشیچه، اوتگن ایکی آی‌ده مملکت‌ده 250 دن آرتیق ترافیکی حادثه رویخط‌گه آلینگن و بو حادثه‌لرده 84 کیشی جان بیرگن. او، برچه مسؤول اداره‌لردن مملکت‌ده ترافیکی حادثه‌لر آزه‌ییشی خصوصیده، چاره تدبیر کوریش‌لرینی سوره‌گن.
شونینگ‌دیک، ییغینده نطق سوزله‌گن ساغلیق‌نی سقلش وزیرلیگی اورین باسری احمدجان نعیم، مملکت‌ده یوز بیره‌دیگن ترافیکی حادثه‌لرنی اصلی عامل‌لری مخدره ماده دن فایده‌لنیش، ترافیکی قانونلرنی نظرگه آلمس‌لیک، خوفسیز کمربندلرنی تاقمس‌لیک و جاده‌لر معیاری ایمس‌لیگی‌گه دیب بیله‌دی.
جناب نعیم‌گه کوره، اولر ترافیکی حادثه‌لر توغریسیده، اهالی‌نی آگاه‌لنتیریش اوچون ایریم برنامه‌لرنی قولگه آلگن‌لر.
ساغلیق‌نی سقلش وزیرلیگی اورین باسری‌نینگ کوپه‌یتیریشیچه، اوتگن ییل ترافیکی حادثه‌لر نتیجه‌سیده، 868 دن آرتیق کیشی هلاک و 55677 دن آرتیق کیشی یره‌لنگن.
شونینگ‌دیک، افغانستان بوییچه دنیا ساغلیق‌نی سقلش تشکیلاتی نماینده‌سی پیپر کورن، بوتون هیداوچی‌لر و یولاوچی‌لردن افغانستان جاده‌لریده ترافیکی قانونلرنی نظرگه آلیب و دقت قیلیش‌لرینی سوره‌گن.