.jpg)
افغانستان شهدلر و ناگران‌لر وزیرلیگی‌نینگ یوقاری مرتبه‌لی رسمیلری، ایکی خصوصی شرکت‌نینگ مسوول‌لری قول‌گه آلینگنی باره‌سی‌ده خبر بیرگن‌لر. مذکور شرکت‌نینگ مسوول‌لری یاشلرنی سوء استعمال قیلیب خارج‌گه آلیب کیتیش بیلن شغلنگن‌لر ایکن. بو شرکت‌نینگ مسوول‌لری، دولت باشقرهلاوچیلیگیگه تانیشتیریلگن‌لر.
اجتماعی ایشلر بوییچه وزیر خانم نسرین اوریاخیل‌نینگ بوگون بیر خبری ییغین‌ده ایتیشیچه، "ابن الهدا" و "حسین خیل" خصوصی شرکت‌لری هر کیشی‌دن 500 دن 1000 مینگ دالر آلیب، خارج آلیب کیتردی.
خانم اوریاخیل، مذکور شرکت‌لر افغانستان‌ده‌گی ایش‌سیزلیکنی سوء استعمال قیلیب، یوزلب یاشنی مملکت‌دن باشقه اولکه‌لرگه آلیب کیتگن. ایتلیشیچه، بو شرکت‌نینگ کابل، غزنی، بدخشان، هرات و بغلان ولایت‌لریده نماینده‌لیگی بولگن.
شونینگ‌دیک مذکور ییغن‌ده سوزله‌گن خانم اوریاخیل، یقین کیله‌جکده افغانستان‌لیک‌لردن 25مینگ کیشی ایش قیلیش اوچون سعودیه عربستانی‌گه یوباریلیشی‌نی بیلدیرگن. اجتماعی ایشلر زویری، افغانستان‌نی 7میلیون ایش کوچی بار بو جمله‌دن 24% ایش سیز و قالگن 15% ایسیه ایریم ایشلر بیلن شغلنه‌دی.
.jpg)
بو توغریده مذکور شرکت‌لر فکرینی اورگه‌نیش اوچون آلیب بارگن سعی وحرکت‌لریمیز نتیجه بیرمه‌دی.
صفتلی اورگه‌تیش بولمه‌گنی، ایش‌سیزلیک بحرانی، اجتماعی مشکل، اوروش و نابرقرارلیک افغانستانلیک یاشلرنی خارج ممکت‌لرگه یول آلیش‌لری اوچون بیرینچی عامل سنه‌له‌دی.
بیرلشگن ملت‌لر تشکیلاتی‌نینگ حساباتی‌گه کوره، میلادی 2015- ییل‌ده افغانستان، سوریه و ایران‌دن اروپا مملکت‌لریگه 381 مینگ انسان آواره بولگن. بولردن 77 مینگی افغانستانلیک یاش‌لر ایکنی تخمین ایتیله‌دی.
