افغانستان‌نینگ تانیقلی هنرمندی ابراهیم عابدنینگ غیرعادی حالتیده‌گی چیققن فیلمی، اجتماعی ترماغلر اینیقسه فیسبوک ایشلاوچیلری‌نینگ توجه‌سینی اوزیگه تارتگن.
اکثر فیسبوک ایشلاوچیلری، عابد جنابلری‌نینگ نشر بولگن فلمی خصوصیده اوندن حمایت بیلدیریب و بونینگدیک فیلم‌لرنی نشرایتیلیشینی شخص حریمی گه تجاوزایتیش دیب بیله‌دیلر.
اجتماعی ترماغلرنینگ ایشلاوچیلری، مسوول اداره لردن مذکور قضیه عامل لرینی قولگه آلیب محاکمه بولیشینی سوره‌گنلر.
مملکت‌نینگ تانیقلی اشوله‌چیسی فرهاد دریانینگ فیسبوککه یازگن متنی گه کوره، ابراهیم عابدنینگ حیران بولیب باقیشی، کامره قرشی‌سیده باله کبی سیس سیزلیگی، رنگی اوچیب کونگلی سینگنی، تیتره‌ب تورگن قول آره‌سیده‌گی تسبیح عابد نی عاجز و بیچاره‌قالگنی اوچون دعا قیلیشی، یالغیز اونی ایمس بلکیم میلیونلرچه کیشی نی کونگلینی سیندیردی.
شونینگدیک ایرکین رسانهلردن حمایت ایتوچی اداره یا «نی» بیر بیانات ترقه‌تیب، نشر ایتیلگن فلم نی انسالیککه قرشی عمل دیب، همده قضیه عامل لرینی محکمه گه تارتیلیشینی سوره‌گن.
انه‌شو حالده ایچکی ایشلر وزیرلیگی سوزچیسی نینگ اورین باسری نصرت الله رحیمی، عابد قضیه‌سینی جدی شکلده تیکشروگه آلیشلرینی معلوم قیلگن.
ابراهیم عابد مملکت خصوصی میدیالریدن بیریگه طنزی و تنقیدی برنامه‌سینینگ تانیقلی کمیدیینی دیر، او جامعه‌ده بولگن کم‌چیلیک لرنی تنقید قیلب مینگ لرچه مردم نی کولیشلری‌گه سبب بوله‌دی.
