ایچکی ایشلر وزیرلیگی نینگ اعلام قیلیشیچه، اوتگن ایکی هفته‌ده مملکتده طالبلرنینگ هجوم‌لری باعث ۸۸ تینچ‌اهالی هلاک و باشقه ۱۳۳ تینچ‌اهالی یره‌لنگن.
بوگون (سه‌شنبه ۴- سنبله) ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور تینچ‌اهالی طالبلرنینگ ۷۸۱ ترورچیلیک هجومی باعث هلاک ایتیلگن.
ایچکی ایشلر وزیرلیگی سوزلاوچیسی نینگ کوپه‌یتیریشیچه، طالبان مذکور ترورچیلیک فعالیت‌لرنی ۲۷ ولایتده عمل گه آشیرگن و بو هجوم‌لرده کوپینچه تلفات نی قندهار و غزنی ولایت‌لری نینگ تینچ‌اهالیسی کورگن.
اوتگن ایکی هفته‌ده مذکور ایکی ولایت یول چیککه‌سیده ییرلشتیریلگن ماین‌لرنینگ قانلی پارتلش‌لریگه گواه بولدی.
طالبان گروهی ایچکی ایشلر وزیرلیگی سوزلاوچیسی نینگ بیانات‌لریگه حاضرگچه عکس‌العمل بیلدیرمه‌گن.
