اونلب اعتراضچی یاش « نی پشتون، نی تاجیک بیز برچه ایش‌سیز میز» دییه شعارلرنی تیل‌گه آلیب، بوگون ییریک بیر اعتراض بیلدیریب، ناگران‌لر و ایش اجتماعی وزیرلیگی ایشیگی‌نی باغله‌گن‌لر.
اعتراضچی‌لر مملکت‌ده ایش‌سیزلیک میزانی آشیشی سبب اونلب یاش یخشی تیریک‌چیلیک قیلیش آرزوسی بیلن مینگ بیر قیین‌چیلیک‌نی قبول ایتیب، اروپایی مملکت‌لرگه کیتیش‌گه یول آله‌دیلر و یا هم مخدر ماده‌لرگه بیریلیب تورلی جرم‌لرگه قول اوریش‌گه حرکت قیله دیلر دیگن‌لر.
کوپچیلیگی ایش‌سیزلیککه قرشی جنبش اعضالری بولگن اوشبو یاشلر دولت بو توغریده عملی آدیم کوتارمه‌گن حالده، مملکت‌ده فاجعه روی بیریشی ممکن دیگن‌لر.
اوشبو جنبش اعضالری ایستک‌لریگه اعتبار قره‌تیلمه‌گونگه قدر وزیرلیک‌نینگ هیچ بیر ملازم‌گه مذکور وزیرلیک‌که کیریش اوچون رخصت بیرمی وزیرلیک‌نینگ ایشک‌لری آرتیده تحصن‌گه قول اوریش‌لری باره‌سیده آگاهلنتیرگن‌لر.
بوگون (یکشنبه) کابل‌ده افغانستان جمهور رییسی « قیشلاق‌لر ترقیات کینگش‌لرنینگ بیشیچی ملی ییغین‌یده» قیش‌ده ایش‌سیزلیک میزانی آشیشی باره‌سیده آگاهلنتیریب، اما اوشبو معما حل ایتیلیشی اوچون کیلگوسی هفته‌لرده برنامه‌لر یول قوییلیشی‌نی بیلدیرگن.
ایش‌سیزلیککه قرشی کوره‌ش جنبش اعتراضچی‌لری بیر آیدن بیری مملکت پارلمان بناسی‌نینگ شمالی ایشیگی‌ده چادر تیکلب تحصن اعلان قیلیب، دولت تامانیدن ایش‌سیزلیک پایان بیریلیشی‌نی سورهگنلر. اوشبو جنبش اعضالری بوگون اوتکزگن اعتراض‌ده بیر قطعنامه صادر قیلیب، حکومت مسؤول‌لریدن یاشلر ایش جایی بیلن تامین ایتیلیشی همده کیکسیگن دولت ملازملریگه تقاعدگه چیقاریلیشی سورهگنلر.
شونینگ‌دیک ایش و اجتماعی وزیرلیگی‌نینگ رسمیلریگه کوره، ایش‌سیزلیک میزانی کمه‌یتیریلیشی اوچون لایحه قول‌گه آلینگن، یقین کیله‌جکده کوچ سالینه‌دی.
ایش و اجتماعی ایشلر وزیری خانیم سرین اوریاخیل، اونلب افغانستانلیک ایش قیلیش اوچون سعودی عربستانگه یوباریلیشی‌دن خبر بیرگن. خانیم اوریاخیل، کیکسیگن ملازملر تیزلیک‌ده تقاعدگه چیقاریلیشلرینی ایتگن.
مملکت قاچقین‌لر ایشلری بوییچه وزیرلیک‌نینگ حساباتی‌ده جاری ییلده 120مینگ یشاووچی اروپا مملکت‌لریگه یول آلگن‌لیکلری قید ایتیلگن.
