تخار ولایتی خواجه بهاوالدین تومنینینگ پولیس قومندانی، مذکور تومن اهالیسینینگ قولینی کیسیب، تاش کومدی و دارگه آسیب اولدیرگنینی تن آلیش اوچون (دوشنبه کون) خبری ییغین اوتکزدی.
خواجه بهاوالدین تومنی پولیس قومندانی قاری عبدالقهارنینگ اوشبو ییغینده ایتیشیچه، شریعت عملی بولیشی خصوصیده، بیرقطارلرنی قولینی کیسیب، بیرقطارلرنی تاش کومدی و دارگه آسیب اولدیرگن.
او، قربانلیکلر رقمی توغریسیده هیچ نرسه دیمهگن.
جناب عبدالقهارنینگ صحبتلری جریانیده کوپهیتیریشیچه، پولیس بولیب و هیچ قچان حرام یولدن فایدهلنمهگن.
عین حالده او، اوشبو مطلبنی بیان ایتگنیدن کیین، میدیالر برابریده سوزیگه دوام بیریشدن وازکیچدی.
بو توغریده محلی رسمیلر، سلاموطندار بیلن صحبت اوتکزیشدن وازکیچگن و شونینگدیک، مملکت ایچکی ایشلر وزیرلیگی بو توغریده معلومات بیرمهگن.
شوندهی حالده انچه کون آلدین، غور ولایتیده 19 یاشر عیال تاش کومدی بولگنیدن بیر 30 ثانیهلیک ویدیو ترقهتیلگن ایدی. مذکور عیالنینگ آتی رخشانه و بو ویدیوده عمامه کیگن کیشیلر تامانیدن تاش کومدی بولهدی و تاش کومدی بولهدیگن چاغیده، مسلمان بولگنینی ایتهدی.
اوشبو ویدیونینگ ترقهتیلیشی، مدنی و فعال عیاللر تنقیدلریگه دوچ کیلیب و اولر قضیه عامللری تیزلیکده محکمه بولیشینی سورهدی.
