آمریکا جمهور رئیسی دونالد ترامپ، پنجشنبه‌دن جمعه گه اوتر کیچه کوتیلمه بیر سفرده بیرینچی مرته افغانستان کیلدی و بگرام حربی قرارگاهی‌ده مملکتی نینگ حربی‌لری آره‌سیده طالبان گروهی تینچلیک کیلیشووی و آتیش‌کیسین خصوصیده، تیارگرلیک آلیشیدن خبر بیردی.
جناب ترامپ نینگ ایتیشیچه، طالبان گروهی کیلیشیش اوچون حرکت قیله‌دی و آمریکا بو توغریده دقت‌دن ایش آله‌دی.
بیراق، سیاسی ایش بیلرمانلردن بیرقطاری نینگ ایشانچی گه کوره، حاضرگی شرایط‌ده ترامپ نینگ افغانستان گه قیلگن سفری سیلاو اوچون بولگن و ترامپ آمریکانینگ کیله‌جک سیلاویده یوتوق قولگه کیریتیش خصوصیده، سعی و حرکت قیله‌دی.
سلام‌وطندارگه صحبت بیرگن سیاسی ایش بیلرمان محمدموسی جعفری نینگ ایتیشیچه، دونالد ترامپ آمریکانینگ کیله‌جک جمهورلیک ریاست سیلاویده آمریکا یشاوچیلری گه کورسه‌تیش اوچون طالبان گروهی بیلن تینچلیک قیلیش خصوصیده، سعی و حرکت قیله‌دی.
جناب جعفری نینگ ایشانچی گه کوره، آمریکا و طالبان آره‌سیده‌گی تینچلیک کیلیشوویده افغانستان اوچون ایجابی بیر نتیجه کورینمه‌یدی و بو کیلیشووده کوپلب آمریکا و طالبان نینگ ایستک‌لری کیریتیله‌دی.
سلام‌وطندارگه صحبت بیرگن سیاسی ایش بیلرمانلردن باشقه بیری اکرم عارفی نینگ ایتیشیچه، طالبان گروهی بیلن آمریکا کیلیشووی دونالد ترامپ اوچون کته یوتوق سنله‌دی و مغلوبیتی آمریکانینگ کیله‌جک جمهورلیک ریاستی سیلاویده ترامپ گه قرشی کته ضربه بوله‌دی.
جناب عارفی گه کوره، افغانستان حکومتی بیلن مذاکره اوتکزیش‌ده طالبان گروهی حاضر بولمه‌گنی باعث، تینچلیک کیلیشوویده ایجابی نتیجه قولگه کیریتیش قیین ایش بولیشی ممکن.
عین حالده، نماینده‌لر کینگشی نینگ بوگونکی عمومی ییغینده مذکور کینگش باشلیغی میررحمان رحمانی نینگ ایتیشیچه، طالبان گروهی بیلن ایرکین سوزلشوولر باشله‌نیشیدن آلدین، ملی کیلیشوو تشکیل ایتیلیشی کیره‌ک.
آمریکا جمهور رئیسی دونالد ترامپ، آتیش‌کیسین خصوصیده طالبان نینگ تیارگرلیگی‌دن خبر بیرگنیدن آلدین، قطرده طالبان گروهی نینگ سیاسی دفتری سوزلاوچیسی سهیل شاهین سلام‌وطندارگه بیرگن صحبتیده، طالبان گروهی بیرینچی کیلیشوونامه‌نی امضالش گه حاضر بولگنینی بیلدیرگن ایدی و آتیش‌کیسین برقرار ایتیلیشی بو کیلیشوونامه نینگ بیر قسمی بولگن.
شو توغریده…
