انسانلر مادیات آرقه‌لی ایمس بلکه معنویات آرقه‌لی دنیاده ابدی یشهب ایل کونگلیدن اوزیگه اورین ایگلله‌یدی. دنیا باریچه اونینگ اولگن‌لیگی حس بولمه‌ی اونینگ فکری و اندیشهسی کوپ ساحه‌لرنی قمره‌ب آلیب اوزیگه مخلصلر و ایزداشلر تاپه‌دی وبوندهی انسانلر همیشه ایل قلبیده یشه‌یدی.
اوزبیکستاندن قدکوترگن جدّی،کوره‌شچن وکیسکین شخصیت رحمتلی ایرکین واحدوف حضرتلری هم اوزبیگیم ناملی قصیده‌سی آرقه‌لی چیگره‌لرنی کیسیب اوتیبدی.
اونینگ اوشبو قصیده‌سی اوزبیکلر یشه‌یدیگن مملکتلر جمله‌دن افغانستان اوزبیک خلقی تامانیدن هم خوش قرشیله‌نیب اوشبو قصیده‌گه کوپینچه –
افغانستانلیک اوزبیک شاعرلر مخمس ومربع‌لرباغله‌ش یانیده اونگه ایزداشلیک قیلیب قصیده‌لر هم یازگنلر.
رحمتلی ایرکین واحدوف نینگ قصیده‌سی بوندیک باشلنه‌دی:
تاریخینگ دورمینگ عصرلر ایچره پنهان اوزبيگیم
سینگه تینگداش پامیرو آقساچ تیانشان اوزبیگیم
ایرکین واحدوف‌گه ایزداشلیک قیلگن افغانستانلیک اتاقلی شاعر رحیم ابراهیم مذکورقصیده‌گه باغله‌گن مخمسی‌نی منه بوندیک باشله‌یدی:
افتخاریم‌گه سزاوار مدحی شایان اوزبیگیم
تامیرینگدن نوده بیرگن مینگچه‌لب خان اوزبیگیم
ایلدیزینگنی ایزله‌سم بولگی نمایان اوزبیگیم
تاریخینگ دور مینگ عصرلر ایچره پنهان اوزبیگیم
سینگه تینگداش پامیر و آقساچ تیانشان اوزبیگیم
شونینگدیک ادبیات دوکتوری سیّد محمّد عالم لبیب اوزقصیدهسینی ایرکین واحدوف‌گه ایزداشلیک قیلیب:
ای بویوک عظمتلی دوران ایتگن ایجاد اوزبیگیم
ایسکی تاریخیده باشلب ینگی میلاد اوزبیگیم
بیردی شان و شوکتینگدن بو ظفر یاد اوزبیگیم
کیم تنیلدینگ عالم اهلی ایچره آزاد اوزبیگیم
دیب باشلب دوام ایتدیره‌دی.
مشهور شاعر ویازووچی‌لریمیزدن حرمتلی محمد کاظم امینی ایرکین واحدوف قصیده‌سینی استقبال قیلیب اوزقصیدهسینی:
فخر بیرلن تارَکی کوکلرگه ییتگان اوزبیگیم
منگو تاریخ دفتریده ایسکی عنوان اوزبیگیم
بیرله‌شیشدن ایتدیلر تسخیر اجدادینگ فلک
اتفاق سیزلیک بیلن بولگن پریشان اوزبیگیم
دییه دوام ایتدیره‌دی.
شوکبی فاریاب بیلیم یورتی استادی ماستر پوهندوی محمد اشرف شریفی جنابلری هم استادنینگ قصیده‌سیگه مخمس باغلش اوچون اوز قریحه‌سینی قوییده‌گی دیک سینه‌یدی:
ای بویوک‌لیک نینگ نشانی، شانلی عنوان اوزبیگیم
منگو آتینگ تاریخ ایچره ایردی پنهان اوزبیگیم
جهد بیرلن بیرله‌شیب حققه قاووشگان اوزبیگیم
ایرک‌سیور، اولکن فداکار، مردِ میدان اوزبیگیم
قیسی تیلده کویله‌سم مدحینگ فراوان اوزبیگیم
شونینگدیک افغانستانلیک باشقه شاعرلر هم بوکیشی‌گه ایرگه‌شیب قصیده، مخمس ومربع‌لر یازگنلر. بوییرده همه‌سیدن ایسلش‌گه امکان تاپه آلمه‌دیم.
مین هم اوز آنه تیلیم‌گه باله‌لیکدن النگه‌لی محبتیم بولگنی اوچون کانکور سیناوینی اوتکزیب فاریاب بیلیم یورتی‌گه یول تاپیب اوییرده اوزبیک تیلی وادبیاتی بولیمینی اوقیش جریانلریده ایرکین واحدوف نینگ اوشبو قصیده‌سی‌نینگ بیر قنچه‌سینی حفظ ایتیب غایت یخشی کورگنیم اوچون هرپیت زمزمه قیلسم-ده، اوزیم‌گه اوزیم اوزبیکستان کیتسم وباریب استاد بیلن اوچره‌شسم دیب، شو سوزنی اوزیم‌گه تلقین قیلیب یورردیم.
تورت ییل تحصیل هم تولدی بو آرزوم‌گه ییته آلمه‌دیم. هرحالده استادنی قچان کورر ایکن من دیگن فکر بیلن کون کیچیرردیم.
الهیم اوزبیکستان کیتیش زمینه‌سینی میندیک ایرکین واحدوف‌گه اوخشه‌گن اوزبیکلر شیداسی وکوریشگه چنقاق انسانگه جنرال دوستیم مکتوبی بیلن یره‌تدی.
ایندیگینه حیاتیم‌ده بولگن اینگ کته و اینگ مهم آرزوم اوشَلماقده جوده هیجانده من توشدن کیین مزارشریفدن حیرتان تامان بیر کرولا موترگه مینیب حرکت قیلدیم.
مزاردن حیرتانگچه خیالیم‌ده اوچ کونده بارگن دیک بولدیم. نماز عصر یقین‌لریده چیگره‌گه باردیم. افغانستان چیگره‌سیدن چیقیش مهرینی پاسپورت‌گه اوردیریب کوپریک تامان یول آلدیم کونگلیم قووانچگه توله «فقط بیر اوزبیکستانلیک اوزبیکنی بیرینچی قتله کورسم و اوبیلن سوچّه اوزبیکچه گپلشسم دیب اوزیم‌گه تلقین قیلیب قولیمده‌گی بَیک وسونکم بیلن کوپریک نینگ اورته‌سیگه یقینلشبیدیم-ده، بیر عسکر کوپریک یانباشیده اورنه‌تیب قوییلگن غورفه‌دن چیقیب مینی کوتیب توردی.»
مین هم سیاسی مساله‌لرنی بوتونلی اونوتیب ییلجه‌ییب اوکیشی بیلن کوریشه‌من دیب قولیمنی اوزه‌تیب باره بیردیم. عسکر یقینی‌گه بارگنیم –ده، عسکر قولینگنی آل پاسپورتینگنی چیقر دیب اوزاقدن حکم قیلدی. اونینگ بو حرکتینی کوریب
آسمانگه ایکنمن کیلیب ییرگه اوردیم آلدینگی قنات چیقریب کیله‌دیگن آدم شلپه‌ییب قالدیم.
پاسپورتیمنی کورگندن سونگ اوزبیکستان تامان اوتیشگه رخصت بیردی، بو عسکر. ایلگه‌راق آتدیک چاپیب کیله‌دیگن آدم، حاضر ایاغیمینی هرقنچه آلدینگه تشله‌یمن–ده، کیینگه قره‌ب توشه‌دی چونکه مین باشقه بیر نیت بیلن کیله یاتگندیم بو اوزبیک عسکر کونگیل‌گه قرشی عمل قیلگنی مینی قتتیق خفه قیلیب قویدی.
هر حالده شام بیلن نماز عصر اراسیده اوزبیکستان چیگره‌سیدن چیقیب تیرمیز تامان یول آلدیم.
تیرمیزدن باشقه بیر قطارکیشی‌لر بیلن نماز شامدن کیین تاشکینت‌گه قره‌ب حرکت قیلدیک.
هوا آچیق ایدی بهار هواسی‌ده بیردم هوا بوتیب شوندیک قتتیق یاغینگرچی‌لیک بولدیکی یاغین نینگ شدت‌لیگی‌دن اوزبیکستانلیکلر تیلی بیلن ایتگنده مَشینه میز ارّه‌نگ – ارّه‌نگ یورییدی بیر مدّت یورگندن سونگ فضل خدا یامغیر قالیب آی نینگ اوچی ییلتیللب کوریلدی. ایندی آلدیمیز آچیق آلدینگی تومن وجوبر کوتریلگن هلی مَشینه‌میز تیز یوریدی بیز مینووچی‌لرهم بیر – بیراویمیزدن سوراق پرساغ قیلیب کیته‌یپ میز.
بامداد آذانی پیتیده تاشکینت شهریگه کیریب باردیک مینی مشینه ده‌گی یولداشلریم مَشینه‌دن توشیریب باشقه بیر تکسی‌گه منه شو کیشی‌نی بیر هوتلگه آووب باریب قویینگ دیب میندیردیلر. بوتکسی مینی حاصلات هوتلی‌گه ییتکزیب قویدی.
کیچه اوشه ییرده قالیب ریگیستره (راجستر) قیلدیم. مینینگ هدفیم شاعر، یازووچی و رسّاملرنی کوریش و اولر بیلن تنیشیش ایدی وهمه‌دن کوپراق استاد ایرکین واحداوف‌نی کوریب تنیشیش. انه‌شو هدف اوچون اینترنیت آرقه‌لی علاقه قوریب آنه‌خان اوقیلگن عیال مقدس‌خانگه قونغیراق قیلیب علاقه باغلب اوزبیکستان کیلیب حاصلات هوتلی‌گه جایلشگنیم‌دن احوال بیردیم آنه خانیم عیاللر کسل‌لیگی متخصصی محموده آپه بیلن ایرته‌سی پیشین‌دن سونگ ساعت تورت یریم‌ده مینی کورگنی کیلدیلر.
تاشکینت یازووچی‌لریدن محمد اسماعیل اکه نینگ رقم‌لرینی هم اینترنیت آرقه‌لی افغانستانده‌لیگیم‌ده آلگن ایدیم.
سورهشگندن سونگ نیمه اوچون کیلدینگ نیمه ایشلر قیلماقچی سن دیگنلریده مین یازووچی محمد اسماعیل اکه‌نی کوریشیم کیره‌ک دیدیم.
بونی قره‌نگ بیزنینگ آنه‌خان و آپه خانی‌میز هم معنویت شیدالریدن بولیب محمداسماعیل بیلن تانیش ایکنلر. در راو خی اونقه بولسه منه بیز اوکیشی بیلن اوچره شیشینگنی ریجله‌یمیز دیب اوکیشی‌گه قونغیراق قیلیب اوچره‌شیشگه قچان وقتلری بارلیگینی سوره‌ب آلدیلر.
ایرته‌سی بوش کون بولگنی اوچون ساعت اونده دورمان یازووچی‌لر باغچه‌سیده یا اویی‌ده کوتیشلرینی ایتدیلر. ایرته‌سی عین ساعت‌ده اوکیشی‌گه مهمان بولدیک و اوکیشی بیزنی یخشی شکلده کوتیب آلدیلر. اوکیشی‌دن ایرکین واحدوف‌نی قنده‌ی قیلیب کوریشنی سوره‌دیم اوکیشی ایسه ایرکین واحدوف قتتیق کسل.
کسلخانه-ده بوله‌دی. اوکیشینی کوریشیزممکن بولمه سه کیره‌ک دیب ینه هم سوره‌شیب کورینگ دیدیلر. ایرته‌سی بیزبیلن بیرگه‌لیکده دورمانگه کیتگن اوچ تورت شعری توپلم‌لری چاپدن چیققن یاش استعدادلی شاعره قیز زیلاله بانو تاشکینت یازووچی‌لر اویوشمه‌سیده سوملک بزمی بار اوییرده مشاعره‌لرهم بوله‌دی، چقیرسم کیله‌سیزمی دیب سوراق بیردی.
مینینگ هم تیله‌گیم شو بولگنی اوچون هه‌جان ودل بیلن کیله من. شاعرگه شوندن باشقه نیمه کیره‌ک دییسیز دیدیم.
اوکیشی خی اونقه بولسه ایرته تیاربولیب تورینگ مین مسیج قیلدیم یولگه چیقه سیز دیدی و مین هم خی بوله‌دی دیدیم.
ایرته‌سی زیلاله بانو یولگه چیقینگ دیب مسیج قیلدی مین ایسه یولگه چیقیب توردیم.
اوکیشی بیلن تاشکینت یازووچی‌لر اویوشمه‌سیگه باردیک. سوملک بزمی باشقه بیر حولیده بولگن ایکن یاش شاعر قیزه لاغ‌لر بیزگه آدرس‌نی بیردی بیزهم زیلاله بانو بیلن اوشه حولیگه کیریب باردیک. قره‌سم، یاش شاعر قیزلر وباله‌لرگوررینگ قیلیب اولتیرگن ایکنلر. کوریشیب سورهشگندن کیین بوکیچه‌گی مشاعره-ده، ایرکین واحدوف جناب‌لرینی کوریش ممکن می دیب سوره‌سم-ده، یوق اوکیشی قتتیق کسللر، حتی اوکیشینی عیادت قیلیش‌گه هم رخصت یوق. لیکن ایرکین واحدوف نینگ رستم اکه ناملی بیر مخلص شاگردینی بوکیچه چقیرگنمیز، انه شو کیشی‌نی کورسنگیزهم عینن ایرکین واحدوف‌نی کورگندیک بوله‌سیز دیدیلر. بوکیچه رستم اکه شامل کوپگینه قیز و اوغیل شاعرلر بیلن شعرلر اوقیدیک
ومشاعره‌نی هم رستم اکه اوزلری رهبرلیک قیلردیلر. ایرکین واحدوف‌نینگ یپونیه (جاپان) ملتی توغریسیده یازگن شعرلرینی رستم اکه شوکیچه گی مشاعره-ده اوقیدیلر. مین رستم اکه دن استادنی کورسه‌تیشلرینی التماس قیلدیم، اوکیشی هم هلی کوریشگه امکان یوق ینه بیر کیلشینگیزگچه استاد ساغلسه‌لر سیزنی اولرنینگ حضوریگه آلیب باره من دیب وعده بیردیلر بو ییرده فقط گینه شاعرلر بیلن اوچره‌شیب، ملاقات اوتکزمه‌دیم. بلکه رسام‌لیک کورگزمه‌لریده هم قتنه‌شیب تاشکینت مشهور رساملری بیلن هم تنیش بولدیم و رسام‌لرهم مینینگ رسام‌لیکلریمنی کوریب بوساحه-ده هم فعالیت‌لریمنی دوام بیریشگه ترغیب‌له‌دیلر. مگر ایرکین واحدوف بیلن اوچره‌شیش نصیب بولمه‌دی. اوکیشینی کوریش آرزویی کونگلیم‌ده غوره قالدی.
افغانستان جونب کیلدیم، بیرمدتدن سونگ الله اوکیشی دیدارینی مینگه رواکورمه گنی اوچون اوکیشی ساغلمس‌دن دنیادن اوتیب قالگن‌لیک خبرلری فیسبوک ترماغلریدن نشر ایتیلدی بو قیغولی خبرنی ایشیتیب چیک‌سیز قیغوگه باتدیم. کاشکی اوکیشینی کورا آلسه ایدیم، بنده‌لر قولیدن هیچ نرسه کیلمس ایکن انه‌شو اوچون اوز آتشین شعرلری بیلن بوتون دنیا اوزبیک شعری شیدالری قلبیدن اورین ایگلله‌گن ذاتگه اولوغ تینگری درگاهیدن اوشماخ آرزو قیله من روحلری شادبولسین.
