بیلیم یورت‌لرنینگ آچیلیشی خصوصیده عالی اوقوو وزیرلیگی نینگ ریجه‌سی کابینه تامانیدن تصدیق‌لنگن و ایرته "چهارشنبه" بیلیم یورت‌لرنینگ اوقووچی‌لر یوزیگه آچیلیشی ممکن.
بوگون "سه‌شنبه" جمهورلیک ریاستی سوزلاوچیسی صدیق صدیقی نینگ کابلده خبری بیر ییغین اوتکزیب ایتیشیچه، کابینه اعضالری، بیلیم یورت‌لرده مطرح قیلینگن ساغلیک ریجه‌لر جمله‌دن اجتماعی فاصله و ماسک کییش ساغلیق‌نی سقلش وزیرلیگی تامانیدن رعایت قیلینیشی‌نی سوره‌گن.
جناب صدیقی نینگ کوپه‌یتیریشیچه، مکتب‌لرنی آچیلیشی خصوصیده معارف وزیرلیگی نینگ ریجه‌سی کابینه تامانیدن تصدیق‌لنمه‌گن و اوشبو وزارت‌گه باشقه ریجه تیارلشی خصوصیده دستور بیریلگن.
3 هفته آلدین کابینه اعضالری مکتب و بیلیم یورت‌لرنینگ اوقووچی‌لر یوزیگه آچیلیشی خصوصیده قرار قیلگن ایدی و کابینه قراری‌گه کوره، مکتب و بیلیم یورت‌لر ساغلیق‌نی سقلش وزیرلیگی نینگ تیکشیرولریدن سونگ آچیلیشی ممکن.
