بوگون ایرته‌لب ایران پولیسی اونلرچه افغانستان یشاوچیسی نی قیناقله‌گندن کیین دینگیز گه تشله‌گن.
قوتقرگن‌لردن بیری نینگ سلام‌وطندارگه ایتیشیچه، ایران پولیسی او و ایران گه کیره‌دیگن اونینگ 57 یولداشی نی قیناقله‌گندن کیین، دینگیز گه تشله‌گن. اونگه کوره، بولردن یالغیز 23 ته‌سی قوتقرگن.
قوتقرگن‌لردن باشقه بیری نورمحمد نینگ ایتیشیچه، اولر هرات ولایتی نینگ گلران تومنی گه تیگیشلی دهانه ذوالفقار منطقه‌سیده ایران پولیسی آرقه‌لی قولگه آلینگن و ایران پولیسی اولرنینگ قیناققه سالگندن کیین هریرود دینگیزی گه تشله‌گن. اونینگ ایتیشیچه، نیچه ساعتدن کیین 13 کیشی نینگ جسدی نی سوودن چیقارگنلر.
او، سلام‌وطندار بیلن صحبت اوتکزیب ایتیشیچه، ایران پولیسی اولرنینگ آگاه‌لنتیرگن کیم «یا اوزلرینگیزنی دینگیز گه تشله‌نگ، یا اوق توتیب اولدیره‌میز.» نورمحمد گه کوره، او و اونینگ یولداش‌لری غرق بولمه‌سدن آلدین بیر کیچه-کوندوز نی ایران چیگره پولیسی نینگ قمرویده قالگن.
ایناغه‌سی و تاغه‌سی نینگ جسدی نی انتقال بیریش اوچون هرات حوزوی کسلخانه‌سیده کیلگن هرات ولایتی نینگ کشک رباط‌سنگی تومن یشاوچیسی محمدآصف نینگ ایتیشیچه، ایران پولیسی ایناغه‌سی و تاغه‌سی نینگ قیناققه سالگندن کیین دینگیز گه تشله‌گن.
نماینده‌لر کینگش اعضاسی عبدالستار حسینی بو خبرنی تصدیق‌لب ایتیشیچه، مملکت یشاوچی‌لریدن 50 ته‌سی ایران چیگره پولیسی آرقه‌لی قیناقله‌نگندن کیین دینگیز گه تشلنگن.
او، بو حادثه گه 12 کیشی هلاک ایتیلگنی نی تصدیق‌لب ایتیشیچه، حاضرگچه 13 کیشی قوتقرگن و باشقه‌لردن خبر یوق.
هرات حوزوی کسلخانه‌سی نینگ باش داکتری عارف جلالی نینگ سلام‌وطندارگه ایتیشیچه، حاضرگچه 5 کیشی نینگ جسدی بو کسلخانه‌ده انتقال بیریلگن. اونینگ کوپه‌یتیریشیچه، جسدلردن بیری یره‌لنگندن کیین غرق بولگن و قالگنی ایسه سووگه جان بیرگن.
شونینگدیک، هرات حاکمی سوزلاوچیسی جیلانی فرهاد، مملکت یشاوچی‌لری ایران پولیسی آرقه‌لی غرق قیلنگنی نی تصدیقله‌یدی. اونینگ ایتیشیچه، بو توغریده تدقیقات گه باشله‌گنلر.
بیراق هرات ولایتیده ایران قنسولگرلیگی بیر خبرنامه ترقه‌تیب، افغانستان نینگ 57 یشاوچیسی قولگه آلینگن و اولرنینگ غرق بولگنی نی رد قیلیب ایتیشیچه، ایران پولیسی نینگ بو حادثه گه هیچ نقشی یوق.
