افغانستان‌نینگ کوک‌اوت، میوه و مییز صادراتی‌نی کینگه‌یتیریش اداره‌سیدن آتی فاش ایتیلیشی‌نی ایستمه‌گن بیر منبع‌نینگ سلام‌وطندارگه ایتیشیچه، افغانستان سوداگرلریدن بیری، مملکت آلمه‌سی آتی‌گه 86 موتر ایران صادراتی آلمه‌سینی پاکستان‌گه صادر قیلماقچی بولگن، لیکن مذکور مملکت تامانیدن کیریش‌گه رخصت بیریلمه‌گن.
اوشبو موترلر کمیده ایکی آی آلدین پاکستان تامانیدن توخته‌تیلگن و شونینگ‌دیک، اوشبو موترلرنی صادر قیلماقچی بولگن سوداگر نعمت‌گل، اونی تصدیق‌لیدی.
مذکور موترلرنی یالغیز 2 ته‌سیدن باشقه‌سینی کیفیت اوچون گواهی‌نامه، صادرات تَوری اوچون مبداء تصدیق‌نامه‌سی یوقلیگی و آلمه‌لرده زهرابه یا-ده توکسین‌لر یوقارلیگی باعث، موترلر توخته‌تیلگن دییله‌دی.
ایتیلیشیچه، اوشبو حجت‌لر بولمه‌گنده، افغانستان‌نینگ صادراتی تورلریگه پاکستان تامانیدن کیریش‌گه رخصت بیریلمه‌یدی. بیراق، ایسلنگن موضوعلر سبب، بو موترلر افغانستان‌گه قیتریلگن صورتده، هیچ بیر اداره اونگه کیفیت گواهی نامه‌سی صادر قیلمه‌یدی.
عین حالده، اوشبو خبرنی تصدیق‌لگن کوک‌اوت و تازه میوه بیرلیگی باشلیغی اخترمحمد احمدی‌نینگ ایتیشیچه، ایران آلمه‌سی افغانستان یولی‌دن انتقال بیریلیشی‌گه پاکستان هیچ قچان رخصت بیرمه‌یدی. بونگه قوشیمچه، ایران میوه‌لری افغانستان آتی‌گه صادر ایتیلیشی افغانستان سوداگرلری قانونی صادرات باسقیچی‌نی اوتکزیش‌ده پاکستان تامانیدن جدی آلینیشی و نتیجه‌ده اولرگه زیان ییتیشی‌گه سبب بوله‌دی.
افغانستان‌نینگ کوک‌اوت، میوه و مییز صادراتی‌نی کینگه‌یتیریش اداره‌سی مسؤوللری تامانیدن بیریلگن معلومات اساسیده، ایران گه قرشی تعیین ایتیلگن اقتصادی تحریم‌لر باعث، اوشبو مملکت‌نینگ تازه میوه‌لری اوچون افغانستان اینگ کته بازار سنله‌دی.
