ایرانگه بولگن افغانستانلیک مهاجرلرنینگ مملکتکه قیتیب کیلیش رقمی یوقاری کیتگن.
بوگون "شنبه" هرات ولایتینینگ مهاجرلر ادارهسی باشلیغی جاوید نادمنینگ بیر خبری ییغین آرقهلی ایتیشیچه، ایرانگه بولگن افغانستانلیک مهاجرلرنینگ اوشبو مملکتدن قیتیب کیلیش رقمی اوتکن ییللرگه قرهگنده یوز فایز یوقاری کیتگن.
جناب نادمگه کوره، اوتکن ییلنینگ 9 آیده 122 مینگ مهاجر اسلامقلعه چیگرهسیدن اوتیب افغانستانده کیلگن ایدی، بیراق جاری ییلنینگ 9 آیده 255 مینگ مهاجر ایران اولکهسیدن افغانستانگه کیلگن.
جناب نادمنینگ ایتیشیچه، اوشبو جملهدن 156 مینگ کیشی اوز ایستهگی اساسیده کیلیب و باشقه 99 مینگ کیشی ایسه زوردن چیقاریلگن. اونینگ ایتیشیچه، قیتیب کیلگنلر آرهسیده اقامت حجتی بولگن قطار کیشیلر هم بار دیر.
1200 باله، 63 یالغیز عیال، 353 کسل، 79 معتاد، 149 یاشلی، 63 ناگران و نیازی بولگن 447 کیشی ایران مملکتیدن قیتیب کیلگن مهاجرلرگه شامل دیر.
جاوید نادمنینگ ایران مملکتیدن قیتیب کیلگن مهاجرلر وضعیتیدن خواطر بیلدیریب ایتیشیچه، اوشبو ادارهگه قیتیب کیلگن مهاجرلر قینچلیگینی حل قیلیش امکانات یوق دیر.
بیراق هرات حاکمینینگ سوزلاوچیسی جیلانی فرهادنینگ ایتیشیچه، هرات رسمیلری اوتکن هفته ایران رسمیلری بیلن بو توغریده صحبت قیلگن و اوشبو صحبتلردن سونگ قیتیب کیلهدیگن مهاجرلرنینگ رقمی کمهیگن.
سیاسی ایش بیلرمانلرگه کوره، ایران پولینینگ ارزشی کمهیگنی و اوشبو مملکتگه قرشی تحریملر بولگنی باعث افغانستانلیک مهاجرلرنینگ قیتیب کیلیش رقمی یوقاری کیتگن.
