.jpg)
«ایش محیطی‌ده عیاللرگه قرشی زوره‌وانلیک و قیناق آلدی آلینیش» ینگی قانونی اساسیده، بوندن سونگ عیاللرنینگ کورینیشی، کییمی، سیماسی و آغیرلیگی توغریسیده فکر بیلدیریش جرم سنله‌دی. مذکور قانون اساسیده، ایش محیطی‌ده عیاللرنینگ برابریده بونده‌ی حرکت قیلگن کیشی‌لر 20 مینگ افغانی نقد جریمه و جرم شدتلنگن صورتده، اوچ آی قماققه محکوم بولیشی ممکن.
«ایش محیطی‌ده عیاللرگه قرشی زوره‌وانلیک و قیناق آلدی آلینیش» ینگی قانون تأیید ایتیلیش مراسم‌ده عیاللر وزیرلیگی‌نینگ مسلکی و پالیسی اورین باسری سپوژمی وردک‌نینگ ایتیشیچه، مذکور قانون تأیید ایتیلیشی‌دن مقصد عیاللرگه قرشی زوره‌وانلیک و قیناق آلدی آلینیشی، زوره‌وانلیک‌که قربان بولگن عیاللردن حمایت قیلیش، ایش اوچون مناسب فضا یره‌تیش و عیاللر اوچون ساغلیق و اورگه‌تیش برنامه‌لری یولگه قوییلیشی دیر.
.jpg)
مدنیت و معلومات وزیرلیگی‌نینگ مصلحتچی‌لریدن بیری احمدرضا میثم‌نینگ ایتیشیچه، اوشبو وزیرلیک هردایم عیاللرگه قرشی زوره‌وانلیک و قیناق آلدی آلینیش برنامه‌لرنی قولگه آلگن. جناب میثم گه کوره، مدنیت و معلومات وزیرلیگی‌نینگ نشرات اورین باسرلیگی و نشرات ریاستی، عیاللرگه قرشی زوره‌وانلیک‌که سبب بوله‌دیگن برنامه‌لر و تبلیغات‌لرگه توسیق بوله‌دی.
اوشبو برنامه‌ده عیاللر وزیرلیگی‌نینگ مسؤوللری، بوتون وزیرلیک‌لر و دولتی اداره‌لردن مذکور قانون عمل‌گه آشیریلیشی توغریسیده عیاللر وزیرلیگی گه یاردم بیریشلرینی سوره‌دی.
«ایش محیطی‌ده عیاللرگه قرشی زوره‌وانلیک و قیناق آلدی آلینیش» ینگی قانونی اوچ آی آلدین، 3 فصل و 29 ماده بیلن تأیید ایتیلیب و تصدیق‌لنگن.
