افغانستان معارف وزیرلیگی بیر خبرنامه ترقه‌تیب مملکت مکتب‌لری نینگ اوقیتووچی‌لری و اوقووچی‌لریدن پول توپلش منع ایتیلگنیدن خبر بیرگن.
اوشبو وزیرلیک نینگ خبرنامه‌سیده کیلیشیچه، اوقیتووچی‌لر و اوقووچی‌لردن «یاردم، دفترگه لوازم ساتیب آلیش، درسی صنف‌لرنی رنگ قیلیش و قیته‌قوریش» نامی‌ده پول توپلش منع ایتیلگن.
معارف وزیرلیگی نینگ خبرنامه‌سیده اورغولنیشیچه، اوشبو بهانه‌لر بیلن پول توپلش سوءاستعمال قیلیش و فساد ایجاد قیلیب و اوقووچی‌لرنینگ عایله‌لرینی خواطری گه سبب بوله‌دی.
اوشبو خبرنامه‌ده معارف وزیرلیگی تامانیدن ایچکی تیکشیروو ریاست‌لریگه بویروغ بیریلیشیچه، مملکت مکتب‌لریدن نظارت قیلینیب و بونده‌ی موضوعلرگه گواه بولگن صورتده، عامل‌لرینی قانون اساسیده تیرگاو قیلیشی طلب قیلینگن.
معارف وزیرلیگی بوندن آلدین اوقیتووچی‌لر و مکتب‌لرنینگ ایشلاوچی‌لری تامانیدن اوقووچی‌لرنینگ ساچلری کیسیلیشی و تراشلنیشی‌نی منع اعلان قیلگن ایدی.
سلام‌وطندار میدیا ترماغی نیچه وقت آلدین بغلان ولایتیدن بیر گزارش نشر قیلگن ایدی و بو گزارش‌ده مذکور ولایت بیلیم یورتی‌نینگ فاکولته‌لریدن بیرینی مسؤوللری، اوقووچی‌لرگه درسی صنف‌لر قوریلیشی اوچون هر بیر اوقووچی بیر آغاچ آلیب کیلیشی توغریسیده بویروغ بیرگن ایکن.
