کابل و قطار ولایتلرده‌گی اوزگریش قوزغلانی حرکت اعتراضلری‌نینگ چادرلر تیکله‌نیشی توقیز کونگه تولدی. اعتراضچیلر، ایستکلریگه ایجابی جواب قیتریلمه‌ی حکومت تیزیمیگه اوزگریش کیریتیلمه‌گن حالده، اعتراض‌دن قول کوتارمسلیکلرینی ایته‌دیلر.
اوزگریش قوزغلانی حرکتی نینگ سوزلاووچیسی رامش نوری، ملی امنیت کینگشی نینگ مصلحتچیسی ایش آلینیشی اساسی ایستکلریدن بیر بولگن تکلیفلری حکومت آرقه‌لی انبات‌گه آلینمه‌گن حالده، سیاسی و مدنی حرکتلریگه دوام ایتیریشلری خصوصی‌ده آگاهلنتیردی.
جناب نوریگه کوره، حکومت بیلن مذاکره قیلمه‌ی دیلر. فقط اوتگن کون نماینده‌لر مجلس اعضالری بیلن مذاکره قیلینگن دیدی نوری. او، حکومت‌دن بیر کون ملی ماتم اعلان قیلینیشی سوره‌گنیمیز عملی بولدی دیگن.
اما، نماینده‌لر مجلسی نینگ قطار اعضالری مجلس نینگ عمومی ییغینی‌ده، اعتراضچیلر ایستکلرینی عملی ایتیله‌دیگن درجه ده آلغه سوریش کیره‌ک دیدیلر.
نماینده‌لر مجلسی نینگ اعضاسی زکریا زکریا، ایستکلر جنجال توغدیره دیگن درجه ده ایمس، بلکه هر قنده‌ی ایسک عملی بوله‌دیگن درجه‌ده بولیشی ضرور دیگن.
نماینده‌لر مجلسی نینگ اعضالری حکومت‌دن تیز آره ده اوزگریش قوزغلانی اعتراضچیلری بیلن کیلیشیب تحصن‌گه پایان بیریش‌نی طلب قیلگن.
اوزگریش و قوزغلان حرکتی نینگ اعضالری هنوزگچه کابل داخل بعضی ولایتلرده 9 تحصن چادری تیکله‌گن لیکلرینی ایته‌دیلر. شونینگدیک کابل اعتراضی‌دن حمایت بیلدیریب مملکت نینگ قطار ولایتلریده نمایشلر اوتکزیلگن لیگی‌نی ایته‌دی حرکت اعضالری.
