اوزگریش قوزغلانی بوگون (چهارشنبه) کابل‌ده خبری بیر انجمن اوتکزدی. انجمن‌ده اوشبو حرکت نینگ قربان بولگن اعضالری‌نینگ دوسیه‌سی هنوزگچه تیکشیریلمه‌گن لیگی تنقید آستیگه آلینگن. حکومت اعتراضچیلریگه قرشی اوق اوزیش بیلن مدنی حرکتلر قدریتیگه ییتمسلیگینی اثبابت قیلدی دیدی کنفرانس اعضالری.
شونینگ اوچون مذکور حرکت انسان حق وحقوقی فعالیتی بیلن مشغول بوتون تشکیلاتلر همده دنیا همجمعیت دولتلریدن اوشبو دوسیه‌لر تیکشیریلیشی اوچون بی‌فرق قالمیسلیکلرینی سوره‌گن.
اوزگریش قوزغلانی حرکتی نینگ اعضاسی کریم‌الله همسخن، عدالت سوره‌ب اعتراض قیلگنلرگه قرشی اوق اوزگن شخصلر اوستیدن هنوزگچه تیکشیروو اوتمه‌گن دیدی.
اونینگ تعبیریچه، ملی بیرلیک حکمتی اوزگریش قوزغلانی حرکتی نینگ قاتلی دیر. دنیا جماعه‌چیلیگی بو موضوعنی کم سیتمسلیگی کیره‌ک دیدی او.
اوزگریش قوزغلانی نینگ ینه بیر اعضاسی عزیزالله سخی‌زاده، عدالت سوره‌ش نیتده اعتراض قیلگنلر فریادینی اوچیریش اوچون اولگورگن شخصلرنینگ محاکمه بولسین دیگن.
او، کابل گارنیزیون قوماندانی گل‌نبی احمدزی و کابل امنیه قوماندانی حسن شاه فروغ عالی محکمه آرقه‌لی جزاله‌نیشی اوستیده تاکید ایتگن.
کابل پولیس قوماندانی همده کابل گارنیزیون قوماندانی اعتراضچیلریگه قرشی اوق اوزیش توغریسیده بویروق بیرگنلیکلرینی رد ایتگن ایدیلر.
مملکت باشقره‌لاوچیلیک اداره‌سی نینگ سوزلاووچیسی جمشید رسولی، اوزگریش قوزغلانی حرکتی نینگ قربان بولگن اعضالری توغریسیده‌گی دوسیه‌لر درست شفاف صورت‌ده تیکشیریله‌دی دیدی.
اوزگریش قوزغلانی، حکومت ایستکلریگه ایجابی جواب بیرمه‌گن حالده، کیلگوسی برنامه‌لرینی اعلان قیله‌دی.
