اوروش جنایت‌لریگه عیب‌لنگن آمریکالیک کوچلرنینگ ترامپ تامانیدن کیچیریلیشی ممکن. اوشبو حربی‌لردن بیریسی «میتوگولستین» دیر. او 2010- ییلده افغانستان‌لیک بیر تینچ‌اهالینی اولدیریش‌گه عیب‌لنگن دیر.
نیویارک تایمز کونده‌لیگی نینگ گزارشی‌گه کوره، آمریکا جمهور رئیسی دونالد ترامپ، اوشبو مملکت عدلیه وزیرلیگی‌دن اوروش جنایت‌لریگه عیب‌لنگن آمریکالیک کوچلرنینگ دوسیه‌لری کیچیریلیش اوچون اونینگ اختیاریگه قرار بیریشی‌نی سوره‌گن.
اوشبو عسکرلر افغانستان و عراق‌ده اوروش جنایت‌لری و تینچ اهالینی اولدیریش‌گه عیب‌لنگنلر.
مذکور گزارش‌گه کوره، ترامپ تامانیدن کیچیریله‌دیگن کیشی‌لردن بیرقطاری محکمه‌ده حاضر بولمه‌گنلر.
آق‌سرای و آمریکا مدافعه وزیرلیگی بو توغریده نیویارک تایمز کونده‌لیگی بیلن صحبت قیلمه‌گن.
آمریکا حقوقی ایش بیلرمانلریدن بیرقطاری نینگ آگاه‌لنتیریشیچه، ترامپ نینگ بو قراری آمریکا حربی قانونیگه زیان ییتیشتیره‌دی.
افغانستان سیاسی ایش بیلرمانلریدن بیرقطاری‌گه کوره، ترامپ نینگ بو حرکتی خلق ارا قانونلریگه حرمت‌سیزلیک دیر.
نیچه پیت آلدین آمریکا تشقی ایشلر وزیری مایک پمپیو، خلق ارا کیفری محکمه‌سی‌نینگ تحقیقاتچی‌لری آمریکا حربی‌لری نینگ اوروش جنایت‌لرینی تیکشیریش اوچون سعی و حرکت قیلگن صورتده، اولرگه آمریکا ویزه‌سی بیریلمه‌یدی دیگن ایدی.
