جوزجان محلی مسووللری، قوش تپه و درزآب تومنلریدن آواره بولگن خانه‌دانلرگه یشش اوچون ییر ترقه‌تیب بیریشنی ایتگنلر.
جوزجان ولایتی والیسی‌نینگ اورین باسری عبدالرحمان محمودی بوگون (سه‌شنبه)هنوزگچه آواره بولگن 950 عایله‌گه ییر ترقه‌تیب بیریش حجتی بیرگن‌لیکلرینی ایتگن. ینه بیر هفته‌گچه 2500 خانه‌دانگه ییر ترقه‌تیب بیریلشینی بیلدیرگن ولایت رسمیلری.
جوزجان ولایتی ولایت کینگشی نینگ اعضاسی حفیظ، قاچقینلر ایشلری بوییچه وزیرلیگی تامانیدن اوتکزیلگن تیکشیروده هنوزگچه اوروشدن آواره بولگن 2500 عایله‌گه یشش ییر اوچون ترقه‌تیب بیریلیشی باره‌سیده قرار آلینگن دیگن. شونینگدیک مملکت قاچقینلر ایشلری بوییچه وزیرلیک قوش تپه و درزآب تومنلریدن آواره بولگنلر اوچون ییر ترقه‌تیب بیریشنی انابتگه آلگن.
جوزجان ولایتی والیسی نینگ اورین باسری، قوش تپه و درزآب تومنلریده اوروش و طبیعی حادثه‌لر نتیجه‌سیده جبر کوریب تینچ منطقه‌لرگه آواره بولگن خانه‌دانلر اوچون تومن نینگ برقرار حدودلریده شهرچه قوریب بیره‌دی دیگن. اونینگ سوزلریگه کوره، مذکور شهرچه بوندن نیچه ییل آلدین مملکت قاچقینلر ایشلری بوییچه وزیرلیک تامانیدن مهاجرلر اوچون ایجاد بولگن.
بوندن آلدین مذکور شهرچه حجتی‌نی قولگه کیریتگن عایله‌لر، اوشبو شهرچه قومزار عین حالده حیات اوچون هیچ قنده‌ی امکانیت بولمه‌گن حدودده قوریلگن دیدیلر.
خانه‌دانلر ایریم قیین چیلیکلر قاله ویرسه تازه ایچیملیک سوو تنقیس لیگی بیلن روپه‌ره ایکن لیکلرینگی ایتگنلر.
بوندن آلدین قوش تپه و درزآب تومنیده اوروش آقیمیده آوراه بوگلن خانه دانلر اعتراض بیلدیریب، ولایتده مهاجر اوچون ییر ترقه‌تیب بیریشده رسمیلرنی هیچ بیر ایش قیلمه‌گن لیک‌که عیب‌له‌گن ایدیلر.
