مملکت ساغلیقنی سقلش وزیرلیگینینگ رسمیلری، اوتگن اوچ ییلده افغانستانده 54مینگ مورد سریغلمه کسللیگی رویخطگه آلینگینیدن خبر بیرگنلر. بولردن 8 فایزینی بنگی وار مادهسیگه بیریلگنلر تشکیل ایتهدی.
بوگون جولای آیینینگ 28- سی سریغلمه کسللیگی گه قرشی خلق ارا کونیگه تینگدیر. بوگوندن بیرینچی مرته افغانستانده «هیپاتیت نی وقایه» قیلینگ شعاری بیلن نشانلنهدی.
بوگون کابلده انه شو مناسبت بیلن اوتکزیلگن ییغینده سوزلهگن ساغلیقنی سقلش خذمتلر بولیمی معاونی ناجیه طارقنینگ ایتیشیچه، فقط 1393- ییلده 19مینگ 804کیشی سریغلمه کسللیگیگه چلینگنلر رویخطگه آلینگن.
خانم طارقگه کوره، بو کسللیگدن حیاتدن کوز یومه دیگنلرنی سانی هنوز معلوم ایمس. لیکن، ساغلیقنی سقلش وزیرلیگی اوشبو بیمارلیککه یولیقنلر سانینی انیقلش اوچون معین برنامهنی قولگه آلگن.
کوز اطرافینی سریغلهشیشی اوشبو کسللیکنینگ علامهلریدن
خانم طارق، افغانستان ساغلیقنی سقلش وزیرلیگی سیریغلمه کسللیگی آلدی آلینیشی اوچون اهالی آگاهلیگینی آشیریش، درمانلش و باشقه لایحهلرنی نظرده توتگن دیگن.
رسمی حساباتگهکوره، دنیا بولیب 400 میلیون انسان اوشبو کسللیک چلینگن و بولردن 4 مینگی حیاتدن کوز یومگن.
سریغلمه کسللیگینینگ علامهلر تیزلیکده انیق لنهدی. بغیر، کوز سریغلهنیشی، ایستیتمه، کسالت، تهوع، خستهلیک و اشتاه سیزلیک مذکور بیمارلیک نینگ علامهلریدن دیر.
ایچکیلیک و مخدر مادهلرنی استمعال قیلیش بو کسللیککه یولیقیشنینگ بیرینچی عاملی سنهلهدی.
